السلام عليكم ورحمة الله وبركاته
انا عندي مشكلة في المعدة
والمشكلة دي للاسف ملهاش علاج وهي القولون العصبي او ارتجاع المرئ
واللي عندهم القولون العصبي او ارتجاع المرئ هتفضل عمرها كله بيه
وهتاخدي في ادوية ومش هتعمل حاجه
حبيت الاول اقول لكل الناس اللي معندهاش ارتجاع المرئ انها تتجنب المرض ده ازاي
لعل الله يجعله في ميزان حسناتي واني اكون افدت بيه غيري
اولا ارتجاع المري ده بيجي ازاي
بيجي من الوجبات السريعه يعني الهوانم اللي زي اللي كانو بيموتو في الدليفري وسندوتشات البانية والهوت دوج
والشاورمة والفاهيتا كل الحاجات دي الاكثار منها مضر جدا
ثانيا تناول الوجبات الدهنيه اللي يصعب علي الجسم تكسيرها وتحويلها لمواد نافعة فتتسرب في الاوردة والشرايين وتعمل ارتجاع مرئ زي مثلا البنات اللي بتموت في الدهن
ثالثا عدم الانتظام في تناول الاكل بمعني الهوانم اللي زي يفضلو طول اليوم ميكلوش وياكلو واجبة واحدة طول اليوم وخاصة لو كانت بليل ومبتلحقش المعدة تهضم الاكل وده بيرهق المعدة
رابعا الاكثار من تناول التوابل يعني البنات المفاجيع اللي زي اللي مبيعرفوش ياكلو الاكل الا بفلفل اسود وشطة وحبهان والتوابل دي كلها بتعمل التهاب في جدار المعدة مع كثرتها
والكلام ده كان للناس اللي معندهاش ارتجاع مرئ تلحق نفسها وتظبط اكلها لانه مرض مقرف بجد هتفضلي عمرك كله بيه
طيب وبالنسبة للي الفاس وقعت في الراس وعندهم القولون العصبي او ارتجاع مرئ
اولا لازم تتعرفي علي اكتر حاجات بتتعب المعده
1- النعناع اووووووووووووعي نعناع في الشاي نعناع في لبانه حتي بجد متعب جدا
2- السمن الكتير والدهون الدهن اللي في اللحمة بلاش منه
3- الشاي والكفيهات
4- الموالح (الليمون -البرتقال – اليوسفي )
5-الجبنة الرومي
6- التوابل الشطه – الفلفل الاسود وجميع التوابل
7- الكولا طبعا
طيب نفترض انك واحده طفسة زي ومش هتقدري تمنعي الكلام ده
لو هتشربي شاي يبقي مرة واحده وفي الصبح بس مش قبل النوم
لو هتاكلي برتقال يبقي واحده بس وفي الصبح بس
لو هتحطي توابل يبقي شوية صغيرين عشان يدي طعم للاكل
المهم تاكلي او تشربي الصبح مش قبل النوم عشان متتعبيش وتقدري تهضمي
ثانيا تشربي مياه كتير اهم حاجه شرب المياه عشان كمان نضار ة بشرتك
ثالثا لما تيجي تنامي تحطي مخدتين تحت راسك
والافضل لو ينفع تحطي طوبتين تحت السرير ترفعي السرير بيهم للمكان اللي بتنامي فيه
ويارب اكون افتدكم وربنا يعافي كل مريض ان شاء الله
وياريت ترفعو الموضوع عشان غيركم يستفيد
في رعاية الله وامنه
صلو علي محمد صلو علي محمد فتكات رائعة Fatakat 864019 القاهرة – القاهرة