بسم الله الرحمن الرحيم
اليوم هقدملكم حاجة جديدة وحصرية هي القطايف المالحة
والفكرة جاتلي لما حماتي ربنا يحفظها يارب جابت قطايف وطبعا لوقعدت بالفريز لتاني يوم مش بتتقفل كويس قولت وماله اعملها عادي اقليها واحط عليها شربات ودمتم
بس امبارح حماتي حطيتها بالفرن عشان الزيوت مش تتعبني * حد عنده حمى زيي هههههه اتحدى ههههههه *
قولت هعملها حلويات وخلاص وبعدين لقيت انه مش هينفع عشان انا عاملة جروب للتخسيس مع البنات هنا في قسم الرشاقة فكدة كل حاجة هتبوظ ههههههههههه مقدمة طويلة صح يلا ندخل في المفيد
وعلى فكرة ممكن تقدميه بدل الكنابية
المكونات
قطايف هتقطعيها اربع تربع
وهتحضري جبنة نستو اي نوع انا استخدمت تاتو اللي متوفر هنا بالاردن
صلصة دجاج باردة لو مش متوفرة استخدمي خل وبهارات وشوية توم بودرة وبصل بودرة وهتقوم بالغرض
سماق
فلفل اسود
رشة ملح
هنجيب القطايف ونحمصها بالفرن من غير اي زيييييييييت نهائي
وبعدين هنفرد عليها حتة جبنة نستو مش كتير يعني انا المثلث الواحد عمل معايا حوالي 8 اربع
وبعدين هنرش سماق وفلفل اسود عشان السماق لاذع والفلفل حاد والجبنة كريمي يبقى فيه تناقضات كتيرة وطعم مميز
ونرش رشة ملح صغيرة عشان تكمل الطعم
ونحط نقطة صلصلة دجاج
انا عملت شوية بالصلصة
وشوية لا
بصراحة اللي بالصلصة عجبتني اكتر
وكنت عوزة احط زيتون مخلل بس حنين جننتني وهبقى اعملها المرة الجاية
ودة رغيف فينو بايت قطعته وعملته زيهم بس القطايف اطعممممم
واتفضلوا معايا
بجد روعةةةةةةةةةةةةةةةةةةةةةةة طعم القطايف جديد جدااااااا وجميل وتنفع للعشا او لاولادك بالمدرسة
ولو حسيتوا ان القطايف ناشفة شوية حطوا عليها المكونات وسيبوها هتترطى حبة وتبقى روعة
ممكن بقى تحطي اي اضافة او بواقي عندك
زي زيتون مخلل
لبنة
لانشون
جبنة شيدر
لحمة معصجة
اي حاجة بتحبيها هتنفع وبجد طعم القطايف مختلف تمام عن اي نوع عجين بتعمليه
يارب تكون وصفتي انهاردة عجبتكم
ادعولي بالستر والصحة وسعة الرزق يارب العالمين
ولو حسيتوا ان الموضوع يستاهل قيموني
بحبكن في الله اختكم مدام مصطفى ام حنين مواضيع هذا القسم برعاية
مدام مصطفى ام حنين مدام مصطفى ام حنين 66807_7.gif فتكات غالية قوي Fatakat 66807 عايشة في حياتي الجديدة ربنا يباركلي فيها ويحطم كل اللي متغاظين مني يارب يفقعوا ويموتوا – في قلب زوجي وبنتي في المملكة الاردنية الهاشمية في عمان