السلام عليكم
الفول يا جماعة واللي كان عامله فيا , كنت دايما اعمل الفول واغير من حجم ونوع الحباية ومن الطريقة لحد ما اخيرا لقيت السر اللي فعلا بيخللي طبخة الفول طبخة ناجحة زى المحلات
كنت مشيت فترة طويلة بعد فشلي في الفول على المعلبات( مع ان طريقتي كانت حلوة بالنسبة لاهل بيتي لكن برده كنت عارفة انها ناقصها حاجة عن برة )
وبصراحة انا لما كنت باجيب المعلبات كنت بالاقي الفولاية بتتهرس بسرعة وطرية من قلبها اوي , بس عرفت ان المواد الحافظة اللي في الفول والصودا بيعلوا الضغط فقلت لا
لحد في يوم ما قريت وصفة واحدة هنا في المدونة ربنا يبارك فيها مش عارفة اسمها , انا ما اختدش طريقتها لاني شاطرة في طريقتي لكن كان ناقصني السر اللي بيخللي الفول يتهري كدا وانا باتبله , لفت نظري في وصفتها كلمة واحدة وهيا البكنج بودر
قلت اشمعنا يعني؟ قلت اجرب يمكن دا الحل
وبالفعل عملت الفول وحطيت بكنج بودر عليه والنتيجة يا جماعة تحفة ما شاء الله الفول طلع روعة , انا مش من هواة الفول اوي لكن كلت منه كتير وفرحت بيه اوي
ودي طريقتي للي عاوز يعملها
الفول يتنقع من بالليل والصبح يتشطف وتحطيله مية وتوم و2 اوطة مقشرة بحالها كدا وهيا هتتهري وعصير نص ليمونة ( انا باعمله في حلة وباحط فوق غطاها براد الشاي مليان مية بليمون علشن يسخن ولو احتجت مية ازود مية سخنة مش ساقعة ) انا عن نفسي ما احتاجتش مية ازودها لان الفول استوى على نار هادية شمعة وحطيت تحت الحلة الشياطة وسبته وقرب السوى حطيت شوية عدس وشوية فول مدشوش وكمان في بتوع عربيات الفول سعات بيحطوا ارز و استوى على الساعة 12 الظهر وكلي احلى فول
يارب يعجبكوا واكون افادتكوا وربنا يبارك ويسعد يارب اللي عرفت منها موضوع البكنج بودر دا , ويرزقني واياكم بالاولاد الصالحين مواضيع هذا القسم برعاية
EGY20152015 EGY20152015 سوبر فتكات Fatakat 888849 الرياض – السعودية
سبحان الله و بحمده