ازيكم يا مامييييز
انا هكتبلكم تجربتي فى الوحم فى حملى الاول والتاني لاني زيي زيكم كنت بدخل كل مواضيع الاعراض للحمل فى ولد والحمل فى بنت وبقعد اشوف ايه اللى حصللى وايه الى محصليش انا من قبل ما اتجوز وكان حلمي اخلف 3 بنات لاني بعشق البنات جدااااااااااااااااااااا وفى حملى الاول كنت بتمنى الدكتورة تقولى مبروك بنت بس الحمد لله على كل نعمه قالت ولد حمدت ربنا ورضيت المهم خليني اكتبلكم الاعراض الى حصلتلي فى حملى الاول والتاني
الاحلام: فى حملى الاول حلمت اني بخلف ولد .. فى حملى التاني حلمت ببنت
الاحساس: فى حملى الاول كنت حاسه با احساس رهيييييييب اني حامل فى بنت واخترت اسمها كمان هههههههه فى حملى التاني كنت حاسه وبشده اني حامل فى ولد مع اني هموت على بنت
بس احساسي كان بيقلى ولد بشده واني معشمش نفسي زي اول مرة
الاكل: فى الاول كنت باكل فسيخ ورنجه ومخلل ومش وكنت كارهه الحلويات جداااااااا , فى التاني اتوحمت على مغاااااااات وكنت بزودله السكر وشربته من نفسي وكنت باكل جاتوه وتشوكلت ولبان لدرجه جبت مصاصات زي الاطفال
الغثيان: فى الاول كنت برجع بطريقه رهييييييييييييبه لدرجه كنت باخد دوا للترجيع وكررته مرتين من شدته وادوخ ومقدرش اطبخ ولا حتى اشم ريحه الاكل , الحمل التاني رجعت مره وحده بس وانا بغير لابني البامبرز لاني اتقرفت جامد ليه معرفش مع اني بغيرهاله على طول والحمد لله مكنش فيه دوخه ابداااااااااااا ولا ترجيع غير خالص حملى الاول
التغيرات الجسمانيه : حملى الاول الكلف ظهرلى من الشهر التالت على صدري ورقبتي وطلعلى شعر فى سرتي وغمقان جامد فى الحلمه , التاني بقى وصلت للخامس اهو ومعنديش كلف وظهر وبر خفيف خالص عند سرتي وغمقان برضه فى لون الحلمه
شعري فى حملى الاول كان حلو اووووي ومش بيقع صحيح كان هايش شويه بس عادي بشويه زيوت بيتظبط , حملى ده ياساتر شعري بيقع بطريقه رهيييييييييييييييييبه وبااااااااااااااااهت ووشي كله حبوب شكلى بشع
الحركه: فى الاول اتحرك ابني من اخر التالت كنبض كده وبقى يتحرك كل يوم فى الرابع لحد ماعرفت انه ولد , التاني بقى اتحرك فى نص الخامس وفرحت اوووووي وقلت يبقى كده بنوته
السوناااااااااااااااااااااااااااااااار: فى الاول بان معايا فى اول الرابع انه ولد , والتاني بقى رحت عمله فى نص الخامس عشان لو بنت يبان واتأكد الدكتورة بقى اول ماشافت الجنين وبصت عالعمود الفقري قالتلى ولد قلتلتها لالا ازاى مشفتيش عضوه قالتلى باين من عموده الفقري فا قلتلتها هو بيفرق بين ولد وبنت؟
قالتلى طبعا وشفنا العضو أن أن أن واذ فجأة بتقلى ولد مش قلتلتك وقعدت تضحك الصراحه دكتورة شاطرة وناصحه فا حست اني مش مصدقه قامت عامله زووم عالعضو وقالتلى اهو مفيش مفر ياماما وقالتلى مبروك وانا قلت الحمد لله وجه فى عقلى تخيلات ان ازاي ولادى الاتنين هيجننوني وهشد شعري منهم لان الصبيان اشقياء بس الحمد لله ربنا عنده حكمه الحمد لله على عطاءه ونعمه
فا عشان كده محدش يصدق اى اعراض لان كل حمل بيختلف عن التاني صدقوا السونار فقط لاني كنت هالكه نفسي بكل التجارب والاعراض واكبر امل خدته لما عملت الجدول الصيني وطلعلى صفحه بينك وقلى مبروك بنت هههههههه عشمني ابن الايه بجد كله تخاريف السونار وبس حتى ساعات فيه ناس السونار بيغلط معاهم وبيتفاجأوا يوم الولاده اقلكم ؟ انتوا اشتروا لبس بينك وازرق احتياط ههههههه
ربنا يقومكم بالسلامه يارب ويرزق كل مشتاقه ياااااااارب بحمل عاجلا غير اجل ويا ام البنات اووووعي تزعلى انك مخلفه بنات بالعكس افرحي وانبسطي دول الدلع كله والحنيه ده كفايه فساتينهم وتوكهم واغنيه نانسي ليهم يابنات يابنات يابنات ربنا يفرحكم بيهم يارب عرايس فى الكوشه ويرزق كل وحده بتتمنى ولد اللهم امين وادعولى اولد واقدر اربيهم تربيه تدخلنى الجنه بيها ياااااااارب
Madam koko Madam koko 658931_9.gif سوبر فتكات Fatakat 658931 بلاد الفرنجة – السعوديه