السلام عليكم ورحمة الله
رمضان كريم
ينعاد عليكوا بالخير
اللهم اجعلنا من العتقاء من النار قولوا امين
النهاردة جايبالكم طبقين احلي من بعض وطبعااا عمايلي
يلا بقي قولولي رأأيكواا
الفراخ المقرمشةالمقادير(( سلق الفرخة 1/2 سوا ))
فرخة قطعتها 8 قطع
بصلة صغيرة للشوربة
طمطماية صغيرة للشوربة
حبهان
ورق لورا
1/2 مكعب فاين فودز
ملح
فلفل اسمر
التتبيلةمعلقة كاتشب
1/2 كوب لبن
معلقة نشا
2 معلقة دقيق
معلقة صغيرة بيكنج بودر
حبهان+ ورق لورا مطحون في الخلاط
كاري
فلفل اسمر/ بهارات /ملح/ كمون
1/2 كيس مرقة فورية
2 معلقة شوربة كبيرة
الطريقة
اولا بنسلق الفراخ 1/2 سوااا
بنحط في مية مغلية الفراخ والتوابل وطمطاية صغيرة بنقسمها نصين ويفضل تكون جامدة وبصلة صغيرة
الطماطم بتخلي طعم الشوربة رووعة ومش بتغير لون الشوربة
بنجهز التتبيلة
بنحط المقادير كلها علي بعض ونقلبها لحد ما تكون التتبيلة تقيلة شووية ونحط فيها الفراخ يوم بحاله
او ع الاقل من 3 ل4 ساعات
وكل ما كانت اكتر بتكون احلي
التغطية
بنحط 2بيضة مع التبييلة ونقلبها كوويس وهنغطي بيها
اولا بالدقيق
ثانيا بخلطة البيض
ثالثا بالخلطة دي
3 معالق بقسماط
3 معالق دقيق ابيض
3 معالق دقيق ذرة
وفي زيت حامي بنقليها هنلاقيها نفشت و بقت مقرمشة لحد ما تاخد اللون الذهبي
الارز بالخلطة
المقادير
1 ك ارز
شوربة سلق الفراخ
توابل (( قرفة / كاري/ ورق لورا وحبهان مطحونين في الخلاط/ملح /فلفل/ بهار))
حوالي 1/4 ك كبد وقوانص وقطع فراخ صغيرة
زبيب ومكسرات للتزين
زبدة
2 معلقة سكر متوسطين منكترش عشان مش يبقي مسكر
بصلة مبشورة
1/2 مكعب مرقة
الطريقة
بنحط حلتين علي النار
اول حلة/ بنحط فيها الزبدة و البصل والكبد و قطع الفراخ لحد ما تتحمر كوويس وتكون مش استوت اووي بنحط فيها معلقتين شوربة كبار ونحط كل التوابل
تاني حلة /بنحط فيها 2 معلقة زبدة والسكر لحد ما السكر يسيح ويعمل كراميل ويكون لونه بني بس مش يغمق اوووي بنحط الارز ونقلبه فيها كوويس
بعدين نحط محتوي الحلة الاولي ونقلب الارز كوويس مع المكونات ونضيف الشوربة بحيث تغطي الارز
لما الارز يغلي بنوطي عليه النار
ونسيبه علي نار هاادية لحد ما يستوي
بعدبن بنحمر المكسرات والزبيب في معلقة سمنة ونزين بيها الارز
وبالف هنااااااااا مواضيع هذا القسم برعاية
علي خطي الحبيب علي خطي الحبيب images/avatars/whiteflower.jpg سوبر فتكات Fatakat 21813 القاهرة – مصر