السلام عليكم و رحمه الله و بركاته
*-*-*-*-*-*-*-*-*-*-*-
أحبائى مشرفات و صبايا مدونةفتكات
كل سنه و انتم جميعا بالف خير وسلام
النهارده احب احكى لكم قصه الفراخ وهى ان كل فرد فى الاسره بيحب يأكل الفراخ بطريقه معينه الى يحب مسلوق والى بانيه والى مشوى و الى يحب الصدر والى يحب الورك وهكذا
و هى طريقه أقتصاديه أيضا
طبعا كلنا عارفين كيف نغسل الفراخ جيدا لكن حبيباتى فى منطقه اسفل الفرخه ضرورى تتأكدوا انها ازيلت و هى عباره عن كره صفيره اسفل الفرخه تقطع بالسكين مثل الصوره
و طبعا المنطقه الى فى الخلف عند الذيل معروفه طبعا
بعد غسيل الفرخه انا بدعكها كلها بالليمون و ارش عليها الملح و اتركها فى مصفاه تنزل ما بها ثم اشطفها و ادخلها التلاجه (لو حتسلقى الفرخه كامله لازم تضعيها فى التلاجه و تطبخيها تانى يوم بيكون افضل )
كل واحده منكم ما شاء الله استاذه و لها طريقتها الجميله للمرقه و الفراخ المسلوقه و محمره بالسمن البلدى او تقطع بعد السلق و تغطس فى البيض و الفيجيتار و تقلى و كلها طرق رائعه لكن ححكى لكم طريقتى البسيطه
الفراخ المسلوقه
المقادير
بصله مبشوره / ملح / فلفل /3 فصوص حبهان /3 او 4 فصوص مستكه (و ليس مستيكه) /2 ورق لاورو /جنزبيل بودر
الطريقه
نضع ماء فى حله مناسبه لحجم الفرخه و عندما يغلى نضع الملح و الفرخه و نشيل الريم او الزفر ان وجد حتى ينتهى نضع البصل و الفلفل و الجنزبيل و المستكه و الحبهان و ورق اللاورو
وتترك حتى تنضج لايقل عن نصف ساعه حسب حجم الفرخه و عندما تنضج ننشلها من الشوربه او المرقه ثم تحمر حسب رغبتكم (انا بضعها فى شوايه الفرن تتحمر مع التقليب بدون سمن بضع مرقه فى الصنيه حتى لا تحترق فقط ) وثم نلفها فى الفويل بعد ان نرشها بالفلفل تظل ساخنه
لعمل أصناف مختلفه من الفراخ
انا بشرح الفرخه بان اقسمها بالنصف
ثم اخلى الصدر بالسكين أمشى بحذاء العظم هكذا
نفصل الفص الفلتو الذى فى الصدر و ندقه لعمله بانيه و ندق الصدر و عليه الجلده لشويه
و لو حنعمله بانيه أيضا نشيل الجلده و نقطعه ترنشات شبه الفلتو حتى تكون سهله فى عمل السندوتشات و التقطيع
و أقسم الفخد بالنصف ثم أفصل الموزه لوحدها (ممكن نجمع الموز و نعمل بيهم صنف ) و أخلى العظم من عليهم و يدقوا أيضا بالجلده علشان الشوى (لو حنعملها شيش طاووق نشيل الجلده )
خلاص جهزنا الفراخ المخليه للبانيه و للشوى
العظام والاجنحه والرقبه لا نرميهم حنعملهم شوربه بالطريقه السابقه وبعد النضج نفصصهم او نخلى الفصوص و نحمصها مع بصل و فلفل اخضر و بهارات و نحشى بها أجمل سامبوسك أو نعمل بيها سندوتشات بالكاتشب و المايونيز و الخص و الطماطم
بواقى الفصوص النيه و القطع الصغيره نحتفظ بيها فى الفريزر حتى تتجمع عندنا كميه نستغلها فى عمل اصناف جميله
بالهنا والشــــــــــــــــــــــــفا
مواضيع هذا القسم برعاية
ندى المؤمنة ندى المؤمنة 135129_2.gif فتكات رائعة Fatakat 135129 مصر – مصر