انا هقولكو على طريقة فراخ للامانة انا شفت الشيف شربينى عملها ولفتت نظرى عملتها طلعت حلوة اوى وغريبة عن الاكل الى متعودين عليه وعجبت جوزى وبناتى اوى اصل هما دول المقياس عندى عشان مش اى حاجة بتعجبهم نيجى بقة للمهم الطريقة
هنجيب فرخة عايزة تقطعيها اربعة ماشى عايزة تسيبيها زى مهى ماشى ممكن بردة تفتحى ظهر الفرخة بس وتسيبيها مفرودة فى الصينية زى اللى بنجيبها مشوية جاهزة المهم هنتبل الفرخة بزبادى حوالى كوب ومعلقة كبيرة توم مفروم ومعلقة كبيرة او اكتر زنجبيل فريش مفروم وملح وكمون وشطة وكركم وكارى وعصير ليمون ونخلط الفرخة كويس بالتتبيلة دى ولو الفرخة مش كبيرة وفيها دهن هينزل نحط زيت بسيط ونسيبها تتبل ليلة كاملة فى التلاجة .نسيت اقولكم ممكن نشرح الفرخة وندخل التتبيلة جوة التشريح والجلد وتانى يوم تدخل فرن حامى فى الرف الوسطانىولما وشها يحمر نقلبها عشان الوش التانى يحمر ونقلبها تانى عشان تنشف ولو قاع الصينبة نشف نزوده شوية مية بشوية عشان متتحرقش لان الصوص الى بينزل منها بيبقى حلو اوى فمنسبهاش تنشف.لازم بقة الفراخ دى تتاكل مع ارز اصفر عشان طعمها يبان
طريقة الارز الاصفر نصفر بصله نشوحها يعنى فى زيت ونضيف عليها الارز وملح وفلفل اسمر وكركم وبهارات مشكلة وكارى وكسبرة ناشفة ونزود ماية ولما الارز يتشرب نهدى النار عليه ونسيبه يستوى وتحته الشياطة وونقدم معاه سلطة وبالهنا والشف وممكن لوعندك مكسرات وزبيب تحمريهم فى شوية زيت وتحطيهم فوق الارز وانتى بتقدميه وممكن لو معندكيش مكسرات شوية جوز هند تزوقى بهم طبق الارز متستغربيش والله حلو خالص. وبالهنا والشفا ومتنسونيش من صالح دعاؤكم ادعولى ربنا يباركلى فى مريم وحلا بناتى ويوسع رزقنا يا رب مواضيع هذا القسم برعاية
ميرو ميجو ميرو ميجو 336649_3.gif فتكات هايلة Fatakat 336649 الفروانية – الكويت