حبايب قلبى
وحشتوووووونى
اليوم عملت فاهيتا الدجاج مع السوسسيس وخبز الصاج
وكان غدااااا ممممممممممم وااااو
يالا بينا نشوف المقادير
العجينه :
2 كوب دقيق + نص كوب زيت + رشه ملح + رشه سكر + كركم + كارى + زعتر + معلقه خميره + معلقه لبن بودره + ماء للعجن
انا حطيت الكركم والكارى ف العجينه عشان مش عاوزة العيش يطلع ابيض زى المعتاد
عوزة يطلع اصفر ويبقا ليه طعم حتى لو حاف طعم الكارى والزعتر خلو العيش وهو سخن وحاف يجننننننننن
دى العجينه بعد ماسبتها نص ساعه كده ترتاح شويه
حنحدد حجم الرغيف كده ونقطعه بالسكينه
وانا هنا رصيت الارغفه كلها وبينهم كيس بلاستيك وسبتهم شويه بس على ما احضر الفاهيتا
ودى الفاهيتا وهى متبله مع السوسيس من بليل
هنا شوحتها ع النار لوحدها وشوحت الفلفل الاخضر والبصل والطماطم لوحدهم وبعدين ضفتهم على بعض
هنا انا رجعت للعيش تانى وحطيت طاسه تيفال ع النار وسخنتها من غير ولا نقطه زيت خاااااااااااااالص
واول ماتسخن على طولللللللل تحطى الرخيف
وبعد ما كده تقلبى الرغيف مره ولا اتنين ع النار وخلاص وخدى بالك ما ماتسيبهوش كتير عشان مينشفش منك
وحطى عليه بقا الفاهيتا
وممكن تحطى واحده جبنه بيتاعه البرجر تحت الفاهيتا
وتلفى الرغيف ف ورق فويل
بالشكل ده
وتدخلى فرن سخن مسبقا يعنى يكون الفرن متسخن ومطفى
وترصى فى السندوتشات الملفوفه دى على بس ما تجهزى الاطباق
وتطلعيها ع الطبق وانا هنا رصيت الاطباق ع السفره شوفى ازاى شكل الطبق كأنك جايباه تيك اوااى وسخن موللللللللللللللع
انا طبعاا كان نفسى اوريكو شكل السندوتش والجبنه سايحه منه بس انا كنت متأخره ع الغدا وجوزى جه وكان لسه كل السندوتشات مخلصتش
وكانت لسه البطاطس ع النار
بس صورت لكو سندوتش كده ع السرييييييييييييييييييييييع
بس هو مش باين حلوته اوى برضو لان ده سندوتش من غير جبنه لاولادى
بجد والله ياحبايبى الاكله حتعجبكو لو جربتهو
انا كده خلصت والله تعبت اوووووووووووووووووووى ف الصور لانها طلعت صور كتييييييييييييييييييير
ياريت يابنات يكون فى تقدير ولو برد بسييييييييييط ودعوه حلوه لولادى
فى حفظ الله ياحبايب قلبى
مواضيع هذا القسم برعاية
jojo queen jojo queen فتكات ست الكل Fatakat 171568 الدوحة – قطر