السلام عليكم ورحمة الله وبركاته
أزيكم يا فتوكات يا قمرات
ان شاء الله تكونوا دايما مفرفشات ومبسوطات
انهارده جيبالكم طريقة جديدة ولذيذة وسهلة للفاصوليا البيضاء
نبدأ
1. اشطفي نص كيلو فاصوليا بيضاء واسلقيها وصفيها.
2. شيلي منها طبق صغنون كده على جنب ( هقولوكوا هنعمل بيه ايه، بس كمان شوية عشان دي مفاجأة )
https://fatakat.univanet.com/#2402342
3. هاتي مشروم ( اللي في الطريقة معلب حوالي نص كيلو) واشطفيه وصفيه.
4. شوحي توم مفروم وضيفي له المشروم وعصير لمونتين ومرقة وشويه كاري وفلفل أسود وقلبيه شوية.
5. ضيفي الفاصوليا المسلوقة للمشروم وزودي الماء وحطي مرقة كمان واظبطي الملح وسيبيه حوالي ربع ساعة، واقفلي عليه. وقدميه مع الرز الأبيض أو الفريك.
6. بخصوص المفاجأة بأه شوفتي حبة الفاصوليا الصغننين اللي سيبناهم في رقم 2، حطيهم في الخلاط مع 1 زبادي وفص توم وكسبرة خضراء وملح وفلفل اسود.
7. أضربيهم وحطيهم في طبق وعلى الوش شوية زيت، وطلعيهم مع سلطة خضراء وعيش محمص على العشا
وبالهنا ووالشفا يا حلوات
قولولي رأيكم
ومتنسوش التقييم مواضيع هذا القسم برعاية
basmalah_s basmalah_s فتكات رائعة Fatakat 550888 القاهرة – مصر