السلام عليكم ورحمة الله وبركاته
اصدقائى وصديقاتى
جبت لكم احد وصفاتى للمعجانات اصلى بموووووووت فيها
المهم دى طريقة توست بس سن بالردة المهم بلا حكى فاضى معكم الان المقادير والطريقة
اولا المقادير
للأمانة دى طريقة الشيف احمد القاضى
بصى بقى لو سن هتحطى 200 جرام دقيق فينو 200 بلدى و100 ردة ناعمةأما لو عاوزاه فينو خالص هتحطى الكمية كلها فينو
500جرام ( نصف كيلو دقيق )
275ماء دافى
8جرام خميرة
10جرام ملح
3جرام محسن
20جرام سكر
20جرام زبدة
الطريقة كل المقادير تتعجن لمدة 10دقائق
بجد الوقت مهم لأنى اول مرة ماأخدتش بالى من العجن 10دقايق طلع حلو بس مش نافش وهش
وتترك فى قالب التوست تتخمر ثم توضع فى الفرن
ملحوظة بعد العجن مباشرة تترك لتخمر فى القالب
(مش برة وبعد التخمير توضع فى القالب ستفقد هشاشتها )
بجد الملحوظات دى انا اخطأت فيها علشان كده بقولكم الطريقة من غير اخطاء ان شاء الله
وادى صورة العجينة داخل العجان بس انا عملت نصفها قالب واحد فقط
وهنا لما حطيتها فى القالب ورشيت عليها دقيق
وهنا لما استويت
وهنا زووووووووم عن قرب على ارتفاعه
مستنية ردودكم استفسارتكم وتفاعلكم مع الموضوع
والتقيم اوعوا تنسونى
ودعوة بظهر الغيب بالشفاء وان يبارك لى فى زوجى و بناتى
مواضيع هذا القسم برعاية
تاسى تاسى 21143_1.gif فتكات نشيطة Fatakat 21143 اسوان – مصر