مساء الخير علي احلي فتوكات في الدنيا
اول مرة اعمل موضوع هنا وخايفة بقي تكسفوني ويارب يعجكو
انا كمان اول مرة اعمل الكريب ده وعشان طلع تحححححفففففففة جدا قلت لازم اوريهولكو بالصور التفصيل الممل
ايه رأيكو لو نبتدي دي مقادير الكريب ( العجينة)
كوب ونص لبن
2 بيضة
معلقة سكر
100جم دقيق
وبعدين نقلب كله علي بعضة عادي جدا
وبعدين الخطوة اللي جاية دي اهم خطوة وهي التسوية
لازم الطاسة تكون تيفال ومدهونة بازيت ونصب كمية قليلة من العجين بحيث ان الطاسة تتملي القاع بتاعها واول ماتبتدي تعمل فقاقيع نقلبها
نيجي بقي لتحضير الشاورمة بالفراخ
دي الاضافات اللي هنضيفها
دي الفراخ وهي متتبلة قبلها بساعتين
اولا لازم نكون متبلين البانيه من قبلها بساعتين علي الاقل
نتبله بالبصل والملح والفلفل الاسود والكركو والليمون ونقطة خل ومعلقتين لبن وشوية بهارات ومكعب مرقة
انا في التتبيلة لاي نوع لحوم مش بعتمد علي المقدار لا بالنظر كده
نتبلها كويس ونحطها في كيس وقلبها تمام التمام ونحطها في التلاجة
وبعدين نطلعها وع الطاسة عدل
وده شكلة بعد ما اتحمر او استوي تقريبا
وبعدين في نفس الطاسة نضيف باقي البصل اللي كنا متبلين بيه البانيه ونحمره مع شوية بصل عادي لحد ماياخد لون
وبعدين نضيف الفلفل الالوان احمر واصفر واخضر ونقلب شوية لحد ما ياخد لون
وبعدين الطماطم
المهم ان الطماطم ماتقعدش كتير ع النار عشان ماتنزلش ميه
وبعدين اخر خاجة نضيف الخل وعصرة لمونة وشوية فلفل اسود وشوية ملح
ونضيف عليهم الشاورمة بعد مانكون قطعناها طبعا
وبكده هيكون ده شكلها النهائي
وده شكل الكريب بعد الحشو
طبعا الشقة ريحتها كلها شاورمة تجنن
واللي هتدخل الموضوع من غير ماتقول بالهنا والشفا هزعل منها اوي ومش هاكل من الشاورمة
يلا بقي عايزة شوية دعوات حلوة زيكو مواضيع هذا القسم برعاية
كوارشي كوارشي برنسيسة فتكات Fatakat 193798 مدينة الحب – بيت العز يابيتنا