السلام عليكم ورحمه الله وبركاته
أزيكوا ياقمرات
الموضوع عن عسل النحل للناس اللى عاملين عمليات ربنا يتمم شفاهم على خير
أنا أخويا كان عامل عمليه المراره والزايده من فتره فكان لما بيروح للدكتور يغير على الجرح
ماما كانت تيجى زعلانه لان الدكتور بيقول ان الجرح مش بينشف وان ده ممكن يكون من الحر وهياخد وقت
المهم واحده من قرايبنا كانت جايه تزورنا وماما حكتلها فقالتلها خليه يحطله عسل نحل لما يغيرله على الجرح
ماما استغربت وسالتها لو الموضوع ده مضمون وكده قالتلها أن دكتور كان قايل كده.
تانى يوم ماما خدت عسل نحل /وملحوظه للجميع لازم العسل يكون موثوق فيه مش مغشوش لان المغشوش بيعمل سكر وكده.
المهم نكمل لما ماما راحت للدكتور قالتله على العسل قالها اه ينفع بس لازم يكون عسل حلو المهم حطله منه مرتين لتلت مرات ومقلكوش الجرح نشف وبقى تمام التمام .
حتى ماما سابتله برطمان العسل لاى حد يجيله يحطله منه
وطلع الموضوع تمام وصح واحنا اخر من نعلم
وبس كده انا قولت اعرفكوا المعلومه يمكن حد ميعرفهاش زينا
فلسفه روح فلسفه روح 702602_3.gif فتكات متميزة Fatakat 702602 الزقازيق – مصر