النهاردة حاعمل العدس ابو جبة (العدس الاسود) وشوربة العدس الاصفر بطريقتى ويارب تعجبكم
اولا العدس الاسود
نحمر بصلة فى شوية زيت ذرة
احط عصير الطماطم والصلصة والتوابل واسيبها تتسبك
لما تتسبك احط المية واسيبها تغلى
احط العدس الاسود وطبعا بيبقى منقوع ومغسول كويس
لما يغلى العدس بادق فصين توم
واحط عليهم معلقتين كمون حلوين واحطهم على العدس
واسيبه يستوى على الهادى
وتاكليه بالهنا والشفا مع ليمون مخلل وعيش وبس
ثانيا شوربة العدس الاصفر
بقطع البصل باى شكل لان فى الاخر كله حيتضرب فى الخلاط
بقطع الطماطم قطع كبيرة ومعلقتين صلصة علشان اللون الحلو
بغسل العدس الاصفر كويس بعد ما انقعه شوية
اشوحه شوية واضيف ميه سخنة وده مهم جدا مش من الحنفية
واسيبه يستوى على الهادى برضه
مش حياخد وقت ربع ساعة وبيكون تمام
اسيبه يبرد شوية واحطه فى الخلاط و اصفيه وارجعه الحلة تانى اسخنه واقدمه سخن
طبعا العدس ملك السفرة فى ايام الشتا الباردة
فى ناس بتحب تعمل له تقليه بس كده اخف واحسن
وفى برضه ناس بتحمر له شعرية وتضيفيها قبل التقديم
يارب الموضوع يكون عجبكم
وافادتكم ولو بمعلومة بسيطة
مواضيع هذا القسم برعاية
فتاة المهمات الصعبة فتاة المهمات الصعبة 190913_15.gif Fatakat 190913 الرياض – السعودية