السلام عليكم ورحمة الله وبركـــــاته
فتوكاتى حبيباتى سيداتى وانساتى
عاملين ايه فالبرد يارب تكونوا بخير وياااااااارب كل الخير لمصر
ندخل عالمهم دى طريقة الشيش طاووك سهلة وطلع لذيذ جدااااااااا
بسم الله
نحضر وراك فراخ ونخليها انا بخليها عند الفرارجى لانى بكل فخر مبعرفش ونغسلها كويس بالملح والخل ونقطعها مكعبات
وبعدين نتبلها بشوية خل ومية بصل وملعقتين صلصة وملح وفلفل
,وحضرى بصل وفلفل رومى وطماطم شرايح ولو عاوزه فلفل حامى مفيش مانع بيبقى مشوى ولذيذ
هاتى صينية او صاج الفرن وشوية زيت فالارضيه وحطى بطاطس ترنشات من تحت الشيش
وشيشى قطع الفراخ مع شرايح البصل والطماطم والفلفل ودا شكلها وننزل علها بالتتبيله وشوية ميه صغيرين
ودى البطاطس بتبقى لذيذة
وقدميها مع مكرونه وسلطة طحينه او زبادى وبالهنا والشفا
فرعاية الله يا قمرات مواضيع هذا القسم برعاية
مصر التى فى خاطرى مصر التى فى خاطرى 468325_12.gif فتكات ست الكل Fatakat 468325 اسكندريه – مصر