فتوكاتى حبيباتى اسعد الله مساؤكم بكل خيرويارب تكونوا فى اسعد حال
امبارح انا عملت شاورما فراخ وطلعت بجد اكتر من روووووووووعه الريحه والطعم خياااااااااال مش عشانها وصفتى ولكن بشهاده اللى اكلو منها بجد نفس طعم بره جربيها على ضمانتى
يلا ندخل على المفيد
المقادير على مرحلتين والاساس فيها :
نص كيلو صدور بانيه مقطعه شرايح طوليه
اولا مقادير التتبيله
بصله مبشوره ناعم اوى على الناحيه الرفيعه للمبشره هتلاقيها زى العصير كده
عصير ليمونتين
ملح وفلفل ورشه قرفه
بشر ليمونه وبشر برتقاله (ودى سر ريحه وطعم بره)
المرحله التانيه اللى بنضيفها مع التسويه
فلفل اخضر
طماطميتين
بصلتين
والكل نقطعه شرايح طوليه
الطريقه
هنتبل الفراخ بكل المقادير الاولى اللى هيا عصير البصل والملح والفلفل والقرفه وبشر الليمون والبرتقال ونسيها اقل حاجه ساعتين
نسخن صينيه على النار تسخن جامد جداااااااااااا ونحط معلقتين زيت وحته زبده وننزل بالبصل المقطع شرايح تلات دقايق لما يدبل
بعد ننزل بالفراخ ونقلب جامد ولالالالالالالالالازم يا فتوكه تكون النار عاليه عشان الفراخ متنزلش ميتها وتقلبى باستمرار
تلات دقايق كمان وتضيفى الفلفل الاخضر
تلات دقايق كمان وتنزلى بالطماطم
وتقلبى كل ده على نار عاليه باستمرار هتلاقى الفراخ مش هتنزل ولا نقطه ميه منها وهتفضل طريه اوى تقلبى كمان تلات دقايق وهتلاقيها بفضل الله استوت وبقت روووووووووووووووووعه
تقدرى تعمليها ساندوتشات مع طحينه
ممكن مع مكرونه وبطاطس وسلطه
يلا على الصور وهى شارحه نفسهااااا
المرحله التانيه
ودى الصوره النهااااااااااااااااااائيه
يارب تكون الوصفه عجبتكم جربوا وهتدعولى
مستنيه تعليقاتكم اللى هتسعدنى والتقييم لو استااااااااااااهل
والى وصفه اخرى دمتم فى حفظ الله مواضيع هذا القسم برعاية
ام لؤلؤ وميوره ام لؤلؤ وميوره 215892_3.gif فتكات ست الكل Fatakat 215892 مملكتى الخاصه – الدنيا الواسعه