بسم الله الرحمن الرحيم
السلام عليكم ورحمة الله وبركاته
حبيباتي الفتوكات ازيكم جميعا يارب تكون في صحة وسعادة يارب
كل عام وانتم بخير
النهاردة موضوعي عن السمك المشوي اللي اكيد كلنا بنحبه
ندخل في الموضوع
انا استخدمت نوعين سمك بلطي وباغا طبعا انتي استخدمي اي نوع انتي بتحبيه
وعملت الخلطة اللي تبلته بيها في الكبه حطيت توم وفلفل رومي وفلفل حار وجزر وكمون وكزبرة ناشفة وليمون وملح وجنزبيل وفرمتهم
وقطعت عليه طماطماية قطع صغيرة
وتبلت السمك وشيلته في التلاجة لمدة ساعتين
وطلعته وغلفته في الردة كويس اوي وجبت طاسة وسخنتها عالنار كويس
وبعدين حطيت السمك
وسيبته شوية وبعدين قلبته عالناحية التانية
وبعدين عملت الدقة اللي هاسقي بيها السمك
جبت الباقي من التتبيلة وزودت عليها نص كوب خل ونص كوب مية واديتهم غلوتين عالنار ولما شيلت السمك حطيته فيها
وادي السمك بيتشرب من التتبيلة
وبسيبه علي كل ناحية دقيقة في التتبيلة واطلعه
وادي لما خلصت السمك كله
وقدمته مع عيش وسلطة وطحينة ومخلل وبالف هنا وشفا
يارب تكون طريقتي البسيطة عجبتكم
وفي الاخر لو عجبك موضوعي اتمني تقيميه
في رعاية الله يا قمرات
مواضيع هذا القسم برعاية
dr nemo dr nemo 884797_1.gif سوبر فتكات Fatakat 884797 قلب زوجي – مملكتي الصغيرة