بسم الله
بصوا يا بنات
انا موضوعى النهارده عن السلطه الخضرا بتاعه المحلات اللى بتتميز بالميه الكتييييييييييير والطعم الخطير طبعا
وان شاء الله هعملهالكم دلوقتى
وياريت تجربوها وان شاء الله هتتبسطوا منها اوى
انا اول حاجه بعملها هى الميه بتاعه السلطه
واحطها فى التلاجه شويه على ما اخلص تقطيع الخضار
عشان احطها عليه فى الاخر وتعمله عمليه انعاش وفرفشه كده
يعنى هتلاقى الخضار مفرفش فى الطبق ان شاء الله ههههههههههه
طب يلا ندخل على الخطوات بقى
ودى بقى يا بنات اول واهم خطوه
التوم ثم التوم
انتى هتجيبى 3 او اربع فصوص توم وتنعميهم جامد بحيث مش يبان فى السلطه
احنا عايزينه ريحه ومذاق بس
مش عايزينه كلاكيع تحت سنانا هههههههههههه
اهو يا ستو هانم التوم المفروم
وهنا انا حطيت معاه
الخل واللمون والكمون والملح وشويه قرفه صغيرين جدا
وقلبتهم كويس
وبعدين بقوم مزوده ميه كتيييييييييييير
ودخلتهم التلاجه بقى شويه
وكمان من ضمن المكونات
معلقتين زيت نضييييييييييييف نقى
ولازم يكون زيت نضيف بلاش زيت تموين
ابوس صابع رجلك الصغير
بس يا ستى
انا كده هدخل على السلطه عادى بقى
السلطه الخضرا يا بنات
( يعنى مباح ومتاح فيها اى خضار انتى بتحبيه )
اوك لحد كده
طب يلا انزلوا معايا بقى
ادى الطماطم قطعتها قطع متوسطه عادى خالص
وادى الفلفل كان عندى نوعين اللى هو الطويل والرومى
والخيار
وبعدين قطعتهم هما كمان
وقومت حطه التتبيله اللى كنت مجهزاها فى التلاجه عليهم
وممكن تحطى بصل ده اختيارى طبعا
وياسلام لو عندم جزر يبقى كله تحت السيطره هههههههه
ولو عايزه تضيفى كزبره او شبت وبقدونس اخضر عادى برضه
وده الشكل النهائى
طعم روععععععععه والله باذن الله
ودى صوره من موضوع كنت عملاه من زمان
كنت مزوده جزر فيها
وكانت تحفه ما شاء الله
يارب تعجبكم
لو عجبكم الموضوع
قيمونى يا قمرات
اترككم فى رعايه الله يا عسلاتى
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر