بســـــــــــــــــــم الله الرحـمـــــــــــــــــــــــــــــــن الرحيــــــــــــــــــــــــــــــــم
ازيكم ياحلى بنات عاملين ايه ,يارب ماتكونش نسيتونى ولا حاجة
ندخل على المفيد بدون رغى كتير اصل انا مش بحب ارغى خالث مالث بس هو الموضوع ان كنت تعبانة ومافيش اسهل من السجق تعمليه لو فى يوم تعبانة وعايرزة حاجة سريعة للغدا او لفطار رمضان وكمان بالعيش كده يبقى اكله على الخفيف
خلينا نتفق اللى هتدخل ومش هتقيم ولا ترد احتمال كبير اوووووووووووووووووووووووووووووى هزحل منها خالث 
دى صورة كده تشوقية لحبايبنا اللى هيقموا ويردوا عليا
نقول بســـــــــم الله ويلا بينا على الشغل
المقادير
سجق مش متقطع لا هنسيبه كده يادوب نقطع من عند كل ربطه وخلاص انما مش هنقطعه قطع عشان مايطلعش منه الحشو
بصل
فلفل اخضر
طماطم مبشورة
جزر مبشور
فلفل اسمر + ملح بس مش كتير "خلى بالك السجق اساسا حادق "
معلقة صغيرة سكر + قرفة عيدان + اوراق لورا +حبهان +شطة +معلقة سمنة مش كتير" عشان السجق هينزل دهون كتير " + مستكة
انا زودت نص مكب مرقة "عشان البصلة تتحمر بسرعة" "وزدت معلقة صلصة كمان "بس دول ماصورتهمش بس احتجناهم فى النص "
نحط السمنة تسخن ونزل المستكة تسيح معاها
بعد كده نحط البصل ومعاه نص مكعب المرقة "انا اكتفيت بنص عشان بهارات ماتغتطيش على بهارات السجق"
ولما البصل بدا يلون نزلت عليه بالجزر والفلفل
وقلبتهم مع بعض لحد ماريحتهم بدات تطلع رحت ضيفت كل البهارات "ماعدا الفلفل الاسمر والملح "وفضلت اقلب لحد برده اما ريحة البهارات طلعت
بعد كده نزلت بالطماطم وقلبتها كويس
وبعدين رحت حطيت السجق وعلية الفلفل الاسمر ورشة بسيطة ملح
وزدته مياه مدوب فيها معلقة صلصة ,ومعلقة السكر الصغيرة وغطيته واستنيت لما استوى
وبس يابنات حمرت معاها بطاطس والمخلل والخضار المقطع
وده شكله لما استوى "انتى ممكن تستغنى عن كل الدهون اللى بتنزل وممكن تقطيعه بعد مايستوى كمان انتى وحريتك "
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة