السلام عليكم ورحمه الله وبركاته
انا عندى عزومه لخمس افراد غيري انا وزوجى وعايزه اعمل عزومه بسيطه ومش مكلفه اوى وسهله الاعداد بس تكون شيك مش تقليديه محشي وخضار والكلام ده علشان معنديش وقت وعندى طفله بترضع مغلبانى خالص
ايه رايكم في القايمه دى
فراخ بانيه ورز بالكاري
طاجن بطاطس بالفللفل وعليه فراخ متبله واشويه في الفرن هههه معرفش الاكله دى اسمها ايه بس لذيذه وشيك ومش عارفه اعمل رز ايه معاها
شيش طاوق
صنيتين بيتزا باللحم المفروم والجنبه الموزريلا
ممكن كفته مشويه او كا نيلونى
وهعمل كيك رخامى وعصير مانجو وطبعا شاي وكاكولا
ايه رايكم في الاكلات دى
وايه الكميات اللي اعملها
وانا عايزه اعمل الكيك والبيتزا والفراخ بالبطاطس قبلها بيوم
وادخلها الفرن يوم العزومه ينفع البيتزا بتبقي حلوه والجبنه بترجع تسيح وتشد تانى ولا ايه
وياريت نصايحكم علشان انا مش متعوده علي العزومات
وازاى اوزع الاكل الاوبن بوفيه مثلا ولا كل صنف احط منه في سرفيسين ولا ايه بالضبط ياريت شرح وافي
والبيتزا بعملها بتطلع حلوه جدا بس ضهرها بيبقي ناشف شويه كدا صح ولا المفروض يبقي طري وازاى وبتتحط في الرف العلوي ولا السفلي
وكل واحده عندها اكله شيك او نصيحه ياريت تضيفها
وايه رايكم الاكلات دى انا بعملها بتبقي لذيذه ومضبوطه بس الضيوف عمرهم ما كلوها عادى اصلهم متعودين علي الاصناف التقليديه الخضار والمحشي وكدا
عايزه تفاعل كبير منكم واوعوا تكسفونى
واللى عندها روابط مفيده ياريت
مواضيع هذا القسم برعاية
بيتى حياتى بيتى حياتى فتكات ست الكل Fatakat 409952 الزقازيق – مصر