فاكرين فيلم الزوجة التانيه لما نعيمة الصغير كانت عامله دايه وقالت على سعاد حسني: الف مبروك ياعمدة حامل في شهرين
راح العمدة قال عليها وليه خرفانه قالتله لا انا متاكده انت عاوز تاكل عليا الحلاوة ياعمدة
يعني كانت واثقه
ولما سألت ماما قالت لي انها شافت الكلام دا بس هي كانت صغيرة قوي
دا حتى تيته في مرة كانت حامل في توأم والدايه قالت لها من وهي في الشهر التاني انهم توأم
انا نفسي اعرف ازاي الدايه بتاعت زمان كانت بتعرف الحمل ازاي
يعني ماكانش في لا تحاليل ولا أشعه ولا اي حاجه
هي كانت بتدخل مع الست الاوضه وتقعد تقلب فيها شويه
وبعدين تطلع بالخبر اليقين.. وفعلا بيكون يقين
وعمرها ماتتلخبط ولا تغلط
واحنا محتاسين ولا عارفين حاجه وبنفضل بالشهرين لحد مانعرف
الله يرحمك ياتيتة كانت دايما تقول لماما
الحمل بيبان على الوش مش محتاج كشف
وكانت دايمة تدعي وتقول ربنا مايفضح بيه حرة
يعني بيبان لدرجة انه بيبقى فضيحة لو اللي باين عليها حرة يعني مش متجوزة
لو في حد يعرف حاجة من حاجات الدايات بتاعت زمان يقول
عشان انا فاضل على البريود يومين واعصابي مش مستحمله
وخصوصا اني حاسه بشوية حاجات كدا بس بسيطة قوي وفعلا وشي شكله متغير خالص
bmbonanaya bmbonanaya 269754_6.gif سوبر فتكات Fatakat 269754 …………… – ……….