نفسي الزمان يرجع بينا لورا كان في خير وحب وتعاون
كان الاول في مطبخ واحد فيه دولاب واحد وفيه كل المواعين وبيطبخوا فيه ليل ونهار انما دلوقتي في مطبخ حديث وفيه كل الاجهزه الحديثه وبنشتري الاكل جاهز من بره.والاول البيت كان فيه عشر اولاد صبيان وبنات وكانت تربيتهم احسن تربيه انما دلوقتي البيت فيه ولد واحد وبنت واحده وجايبين المرض لامهم وابوهم .كانت الناس الاول بتنام علي الارض احلي نومه ومرتاحين البال انما دلوقتي بقا فيه احلي فرش واحلي مراتب وسراير ومبيعرفوش يناموا والكوابيس والقلق مصاحبهم.الاول البيت كان فيه تليفزيون واحد وكان فيه قناه واحده وكنا نعرف اخبار الدنيا كلها ودلوقتي كل اوضه فيهاتليفزيون والف قناه ومحدش يعرف عن التاني حاجه.زمان مكنش حد يعرف حاجه عن الرياضه والصحه البدنيه وكانوا عايشين واصحاء ودلوقتي بنتكلم عن الصحه والرياضه واللياقه وتلات ارباع الناس تعبانه ومرضانه .الاول كانوا بيدرسوا ويتعبوا ويفرحوا بالشهاده ولا كان في هدايا نجاح ولا حفلات انمادلوقتي الاب والام بيدسوا لولادهم ويجيبلهم مدرسين خصوصين ويطلعوا مش فاهمين حاجه وناجحين وحفلات وهدايا نجاح.كان البيت الاول عباره عن اوضتين وصاله ومطبخ وحمام وكان مفتوح ويساع من الحبايب الف ومفتوح للقريب والغريب انما الان بقت البيوت عباره عن قصور وفيلات وعماير وعشان تزور حد او تروحله لازم تستاذن وتخد ميعاد قبل ما تروح .
الزمان ياناس مش هو اللي اتغير انما النفوس اللي اتغيرت .
والرسول عليه افضل الصلاه والسلام يصف حالنا الان:
(قال رسول الله صلي الله عليه وسلم يأتي الزمان علي أمتي يحبون خمس وينسون خمس يحبون الدنيا وينسون الاخره يحبون المال وينسن الحساب يحبون الخلوق وينسون الخالق يحبون القصور وينسون القبور يحبون المعصيه وينسون التوبه فان كان الامر كذلك ابتلاهم الله بالغلاء والوباء والموت الفجأه وجور الحكام .
صدق رسول الله صلي الله عليه وسلم)
https://files2.fatakat.com/2015/4/13988185511654.jpg
nona shalaby nona shalaby فتكات حبوبة Fatakat 1131861 المنصوره – مصر
سبحان الله و بحمده
