السلام عليكم و رحمة الله و بركاته
ازايكوا يا بنات .. انا اتعلمت حاجات من قريب و حبيت اشارككم فيها
حتحتاجي لاجهزة و ادوات و رفايع حقلك عليهم دلوقتي ، لو بتجهزي حطيهم ببالك عشان تجيبيهم (و لو ان اكثرهم موجودين في كل بيت)
1. العصير
مفيش احلى من زوجة تقدم لجوزها كباية عصير رايقة .. و لو لسه مش مرتبطة يا جمالك و انتي بتقدميه لوالديكي او لاخواتك بالمسا .. و اهو تدربي بدري للي حتقدميه لخطيبك و جوزك
حتحتاجي للادوات دي :
كؤوس كرستال ..
فيه منها التركي حلو و رقيق السعر حوالي 10 دولارات للباكيت اللي فيه 6 كؤوس ، لو عاوزة تعملي حساب الضيوف لازم تشتري اتنين باكت من نفس النوع عشان يبقى عندك طقم 12 واحد .. انتبهي افتحي العلبة لان ممكن يكون فيه قطع مشروخة افحصيهم قبل ما تشتريهم ..
طيب كؤوس كرستال ليه .. مينفعش العادي و بالمرة هوا ارخص .. الحقيقة الكرستال فيه شفافية عالية و جمال مقارنة بالزجاج العادي ، و الموديلات فيها فخامة .. الاكل مش طعم بس .. الاكل و الشرب منظر .. و المنظر ده هوا اللي عاوزينه من الكؤوس دي
الكؤوس اعلاه فيها لون .. انتي خذيها شفافة تبقى اجمل و بتلبق على اي لون مشروب
انا حطيتلك الصورة دي عشان انبهك لحاجة .. الكاسين اللي عاليمين بياخدوا عصير كتير .. بينما الكاسين اللي عالشمال بياخذوا كمية عصير اقل .. انصحك باللي ياخذوا كمية اقل عشان الاعصاير و الكوكتيل الواحد مش يقدر يكملهم فخسارة
خلي اللي حجمهم كبير لعمل الكاسترد بالفواكه و خلي اللي حجمهم صغير للعصاير
صواني تقديم فخمة ..
عادة تباع مش بشكل مفرد انما صينيتين او تلات باحجام مختلفة .. السعر غالي جدا بس تشوفيهم كانهم قطع من فضة من جمال معدنهم و فخامتهم .. السعر قد يصل ل 30 دولار او اقل .. حتشريهم مرة و تتهني بيهم (وممكن تهدي قطعة منهم لو زادوا عليكي )
اللي بالسوق احلى من اللي بشوفهم عالنت .. بس جبت الصورة دي كمثال
طب ليه مش نستعمل دي .. اهي مش تعدي تلاتة اربعة دولار
اقلك لكل مقام مقال .. دي تستعمليها بالاوقات العادية .. و الكاسات الزجاج اللي مش كرستال بردو للاستعمال المتكرر
اما التحف زي الصينية و الكؤوس الحلوة تخليها كوجبة منعشة باخر اليوم كلما راق لك ذلك
عصارة فواكه
عصارة مش خلاط .. دي تجيبيها السعر حوالي 30 دولار ممكن اكتر شوية او اقل .. دي سلعة معمرة و هامة .. و كويسة لصحة جوزك و عائلتك ..
العصارة بتخلي العصير رايق بدون اي مونات اضافية .. يعني يخرج سائل نقي .. بينما الالياف بتترمي و تلاقيها متجمعة في وعاء خاص بيها
العصير اللي تعمليه بالعصارة .. عصير الرمان .. هايل .. من غير حب و لا حاجة .. و عصير الشمام .. و الخوخ بردو .. و الكمثرى و اي حاجة ببالك طرية كدة .. بس الا الجزر .. مش اي عصارة تعملهم .. انا خدت ارخص عصارة كانت كينوود شبه اللي صورتها فوق دي .. و كان عرض عليا صاحب المحل عصارة تانية اكبر حجما بس اغلى بحوالي 20 دولار .. انا اخترت الارخص .. لكن طلعت محركها رقيق مش فاكرة اظن 600 واط او اقل .. و صحن شفرتها ناعمة مش بتستحمل الجذر .. بينما العصارات الاحسن بتعصر الجزر زي الفل … و الجزر مفيد يا بنات و مضاد للسرطان .. بجد مفيد . بقى انا يبقى عليا اسلق الجذر و اقطعه حتت عشان اقدر اعصره بيها .. بس طعم الجزر المسلوق مش حلو خااالص و كمان فوايده بتضيع بالسلق .. فحاولي تجيبي عصارة يمشي معاها الجزر
بصي على شكل العصاير شفافة رايقة لانها بتتصفى من الشوائب
الخلاط ..
الخلاط ده حاجة تانية .. الخلاط يخلي ثمرة الفاكهة كلها بين ايديكي .. يعني يضرب الفاكهة يخليها مخلوطة عصيرها باليافها .. و ده صحي يا بنات .. الفوائد كلها بتاخديها و مش تترمي حاجة .. اضافة الى ان الخلاط سعره قد يكون برخص 17 دولار تقريبا
الحلو بالخلاط انه بيجي باكثر من وعاء .. عندك الوعاء الكبير ده لو عددكوا كبير .. انا بالنهاية وصلت اني اشتغل بالوعاء الصغنن بيكون كافي لعمل عصير لشخصين (لو كان الكأس حجمه صغير زي الصورة اعلاه اللي حكيت فيها على الحجم)
حاولي تشتري الخلاط اللي فيه وعائين صغيرين مش واحد .. عشان فيه اطعمه بتمسك ريحتها بالخلاط فتخلي واحد للفواكه وواحد لحاجات تانية
تقدري تعمليه ايه بالخلاط ؟ تقدري تعملي عصير بطيخ .. حلو جدا .. و عصير شمام .. راائع .. و حاجات تانية .. بس مش تقدري تعملي عصير رمان رايق .. بالعصارة عصير الرمان افضل .. فاذا لكل جهاز مزايا و استعمال مختلف
عصير البطيخ مش محتاج غير لقطع بطيخ و شوية سكر ده لو كان البطيخ مش حلو اوي .. و القليل القليل جدا من الماء بس عشان يسهل دوران الخلاط اول لحظات (لان بعدها حينزل مي البطيخ و يملا الخلاط) .. و نفس الشئ للشمام يعني مفيش اسهل من كدة .. نيجي عالتبريد بقى .. يا اما تعملي العصير و تحطيه عشر دقائق بالثلاجة او الفريزر .. او تحطي مكعبات تلج مع الخلاط يتطحن معاه .. انا افضل اني اعمله و بعدين ابرده لانه مش بيطول .. مكعبات التلج تخفف الطعم فافضل التبريد.
دلوقتي العصير محتاج تزيين حتحتاجي للرفايع دي ..
شفاطات عصير مميزة و ملونة
قطع فواكه للتزيين ..
فراولة ..
برتقال ..
كيوي
نعناع
تعملي ايه يا عروسة .. او يا اختنا المتجوزة او البنوتة اللي لسه متجوزتش .. تشتري كيلو او نص كيلو كيوي .. و تشتري نص كيلو ليمون .. برتقال ان شاء الله برتقالتين بيكفوا .. تشتري اصيص نعناع تحطيه في البالكونه و لو فيه تلوث جو حطيه بالمطبخ عادي و تبقي تقطفي منه براحتك ..
يتبع
مشاركات هامة
#17
#18
وردة بيضا و وردة حمرا وردة بيضا و وردة حمرا 691469_2.gif فتكات ست الكل Fatakat 691469 بغداد – العراق