السلام عليكم ورحمة الله وبركاته
حبايب قلبى الفتوكات الحلوين مسا الخير عليكو
————
عملت صينية الرقاق المقرمشه من بره والطريه اللذيذه من جوه
بصى يا قمرايه الاول عصجت اللحمه المفرومه عادى طبعا كلكم عارفين طريقتها نعديها بقى
بعدين سلقت اللحمه ورحت مطلعاها وحطاها فى صينيه وقلبت عليها طماطمتين مبشورين مع ملعقة صلصه طماطم وملح وفلفل اسود وبهارات ونقطتين زيت قلبت كل ده فى بعضه وتحت الشوايه وحمرتها بس للأسف ملحقتش أصورها علشان المدفع كان ضرب بس بجد طعمها جااااااااامد
نييجى بقى للرقاق الشوربه لازم تكون سخنه انا بعمل الصينيه 6رقات بجيب واحده واحده واسقيها بالشوربه واحطها فى الصينيه المدهونه سمنه وبين كل رقاق ورقاق ارش سمنه وبعد الراق التالت احط اللحمه العصاج وبعدين اكمل الرقات وارش كبشة شوربه على الوش وملعقة سمنه وادخلها الفرن علشان تحمر وتبقى فى اللذيذ
اقولكم بقى السر اللى بيخليها مقرمشه من برة وطريه من جوة
اول لما تخرج من الفرن اغطيها بغطاء محكم من غير مضيف شوربه تانى البخار اللى طالع منها هيطريها من جوه ويخليها مقرمشه ولذيذه من برة
عرفتو بقى ده سر خطير علشان انا مش حرماكو من حاجه ندخل بقى على الصور علشان الجمايل تكون كترت اوووى
ده شكلها اول لما طلعت من الفرن
وده بقى بعد لما قطعتها شوفوا الجمال شوفوا الحلاوه
مين بقى اللى هتقيييييييييييييييم علشان مطلعش ال
خلونى طيبه احسن
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا