السلام عليكم ازيكم يا بنات
بصو انا اخترعت حشوه جديده للبط
وكانت تحفه فوق المتوقع
اول حاجه بنجيب البطه ونغسلها كويس اوي
بالدقيق والملح وبعد كده ننقعها في مايه ولمون وخل ونسيبها ونجهز الحشوه
نصف كوب ارز بسمتي
3 فصوص توم مقطعين صغير
بصلايه صغيره مبشوره
كركم وكسبره ناشفه وتوابل وملح وفلفل واي توابل عندك
طماطمايه مبشوره صغيره
نصف كوب ماء
كل الخلطه علي النار تاخد
غلوتين مع معلقه سمنه لحد ما المايه تقرب
تنشف علي نار عاليه طبعا عشان مش عايزين الرز يستوي
وبعد كده نحشي بيها البطه ونخيطها من كل حته منخليش فيها اي فتحه
وعلي النار في حله شويه زيت صغيرين عشان البطه متلزقش واما
يسخنو كويس نحط البطه ونشوحها ونحط التوابل بتاعه الشوربه تتشوح
معاها وبعد كده نحط المايه بتاعه السليق ونسيبها لحد ما تستوي وبعد كده نحمرها علي الشوايه بتاعه الفرن
معلش ملحقتش اصورها
بس كانت شبه دي بالظبط والرز كان عامل زي الرز المندي بالظبط وتحفه خالص وبالف هنا
مواضيع هذا القسم برعاية
مشتاقه للفردوس مشتاقه للفردوس images/avatars/landscape.jpg فتكات هايلة Fatakat 199226 القاهره – مصر