الدكتوره عملتلى رجيم وانا حامل

السلام عليكم يا احلى ماميز
النهارده رحت لدكتوره اخيرا استقريت على دكتوره تتابع الحمل معايا ده اول حمل ليه ادعولى ربنا يكملهولى يارب انا من الناس المدملكه يعنى من الاخر الحمل هيخلينى كرومبه من اول ما عرفت انى حامل عاماله احاول احافظ على وزنى بس مش عارفه اظبطه اوى الدكتوره النهارده قالتلى لازم نظبط اكلنا عشان ننزل وزنك فى فتره الحمل قالتلى ابعدى عن السكريات والنشويات والاكل المحمر كله وقالتلى اكلك كالاتى كوبايتين لبن او كوبايه واحده ولبه زبادى وتاكلى جبنه قريش وكلى فاكهه براحتك واهم حاجه السلطه كميه محترمه يوميا على الغدا وجنبها البروتين بتاعى لحنه او سمك او فراخ وشويه خضار ومعلقه رز يلا ما علينا انا متعوده اكل فعلا 5 معالق رز مش مشكله ربنا يسهلها فعلا المهم بجد ان وزنى ينزل عشان وزنى على حافه الخطر ادعولى وزنى ينزل بجد لان حسه شكلى بقى مبهدل وانا لسه فى نص التالت انا قولت اشارككم معايا عشان اهو نصيحه دكتوره لاننا كلنا فعلا بنعانى من الوزن ودى طريقه لتنزل الوزن للحامل اشوفكم على خير


dode.adam dode.adam 506047_3.gif فتكات حبوبة Fatakat 506047 ismailia – egypt

سبحان الله و بحمده