السلام عليكم ورحمة الله وبركاته
ازيكم يافتوكات
كنت عايزة أستفسر عن حاجة خاصة بتأخر الحمل
أنا متزوجة من سنة و10 شهور ولم يحدث حمل وعملت متابعة تبويض وزوجى عمل تحليل سائل منوى والحمد لله التبويض والتحليل تمام وورغم ذلك أخدت منشطات وابر تفجير ومثبتات حمل وكمان زوجى بياخد مقويات كتبهالنا الدكتور ولكن لم يقدر الله بحمل فطلب منى الدكتور أشعة الصبغة على الرحم والأنابيب وبالفعل عملتها يوم 27/ 3/ 2024 وشافها الدكتور وقالى الحمد لله تمام ومفيهاش اى حاجة بس قالى عاودينى بعد 3 شهور لو لم يحدث حمل يعنى استنى 3 شهور نزلت الدورة الشهر ال فات يوم 16 /4 وصبرت على أمل يحدث الحمل الشهر ال بعده ولكن لم يقدر الله بحدوث حمل والنهرده 12 /5 نزلت الدورة للشهر التانى
السؤال بقى دلوقتى هل الدكتور كان يقصد بانى استنى 3 شهور يعنى استنى 3 دورات ينزلوا عليا ؟ يعنى اروحله الشهر ده ولا استنى الشهر ال بعده وأشوف الدورة هتنزل ولا لا؟
والسؤال الثانى لو لا قدر الله لم يحدث حمل هذا الشهر أيضا ياترى ما هى الخطوة التالية التى سيتبعها معى الدكتور فى محاولة لحدوث الحمل؟
ياريت ال عندها إجابة تفيدنى وادعولى بالذرية الصالحة أنا واختى وكل من يشتاق للأطفال عاجلاً غير آجل يارب العالمين
رانيا أدهم رانيا أدهم فتكات حبوبة Fatakat 911352 سوهاج – مصر
سبحان الله و بحمده