فتوكاتى حبايبى النهاردة جيبالك طريقة الحواوشى وطعمه زى بتاع الشارع بالظبط
والموضوع ده اهداء منى لحبايبى بنات احلى جروب(يلا نقوم على بيوتنا يافتوكات)
هنحتاج
نص كيلو لحم مفروم
ربع كيلو سجق بلدى
2بصلة كبيرة مقطعة صغير فى الكبه
حوالى 50 جرام ليه ضانى
ملح وفلفل وزنجبيل بودر وتوابل حواوشى وشطة
طماطم جامدة مقطعة مكعبات
فلفل رومى مقطع مكعبات ولو حابة ممكن فلفل حار كمان
وطبعا العيش بتاعنا مقطع انصاف
نجيب علبة ونحط فيها اللحم المفروم ونضيف عليه الليه مبشورة وعليه البصل والتوابل كلها ونقلبهم كويس جدا مع بعض
نقسمه على علبتين ونحط السجق فى ماء مغلى ينزل الدهون اللى فيه ونطلعه نقطعه ونضيفه على نص كمية المفروم
ونقلب ونضيف الطماطم المقطعة والفلفل ونقلب بالراحة خالص ونسيبه حوالى ساعة فى التلاجة
وده شكل المفروم بعد التتبيل
وده االعيش والسجق قبل م اضيفه للمفروم
وهنا بعد م خرج من التلاجة عملته كور على قد العيش وده نص الكمية بس الباقى كيسته وشيلته فى الفريزر
وهنا لما فردت الكورة فى العيش
واحدة من غير سجق والتانية بالسجق
ودى الخلطة اللى هنحطه فيها بعد م نخلص الكمية كلها
عبارة عن زيت ورشة ملح ورشه زنجبيل بودر ورشة توابل حواوشى وشطة ونقلبهم مع بعض ونحط فيهم العيش
على الوجهين ونرصه فى الصينية والصور هتوضح
بعد م رصيناه فى الصوانى ندخله فرن سخن على 180 درجة وبعد حوالى 20 دقيقة نقلبه على الوجه التانى لمده 15 دقيقة وبعدين نقلبه تانى لمدة 10 دقايق ونخرجه
وده شكله النهائى واسفة لردائة التصوير هنا عشان الاضاءة مكانتش كويسة
بس هو شكله كان جميل ومش ناشف خالص مقرمش خفيف كده وجامد
اتمنى الوصفة تعجبكم واللى تجربها وتعجبها امانة عليها تدعيلى باللى فى توقيعى
مواضيع هذا القسم برعاية
mshmsh24 mshmsh24 418701_3.gif فتكات ست الكل Fatakat 418701 الجيزة – مصر