الحوامل اللي في الامارات

ازيكم ياحوامل يارب تكونوا بخير انتوا والبيبيهات
انا مغتربه في الامارات في الشارقه وكنت ناويه انزل اولد في مصر
بس الدكتور قالي مش هينفع اسافر عشان عندي انقباضات واحتمال ولاده مبكره
انا دلوقتي في اخر يوم في السادس
بس موضوع الولاده شاغلني وعايزه اعرف اللي جربت الولاده في الامارات
الولاده هنا عامله ازاي والمستشفيات والاهتمام فيها
انا ان شاء الله هولد قيصري هل الخياطه هنا بتبقى لحام ولا خياطه عاديه وخدتي بنج نصفي ولا كلي
والبيبي بعد الولاده بيفضل معاكي في الاوضه ولا بيبقى في مكان لوحده
وهل بيدوا فوط بعد الولاده في المستشفى ولا انا اجيب ولو عاوزه اشتري فوط بعد الولاده اجيبها منين عشان مش لاقيه خالص
وياريت اللي ولدت تقولي ولدت في مستشفى ايه ومع دكتور مين ؟؟
معلش اسألتي كتير بس حاجات شغلاني وعاوزه اطمن

bondo2h bondo2h 518599_3.gif فتكات هايلة Fatakat 518599 القليوبيه – مصر

سبحان الله و بحمده