ازيكم يا فتوكاتى , عايزة اخد رايكم فى حاجة , انا الحمدلله حامل فى اخر الشهر الاول و ده تانى حمل ليا , و عملت اختبار الدم و طلع موجب , السؤال بقى انا مش حاسة بغمة نفس زى حملى الاولانى و لا حاسة بوجع الضهر و لا النوم اللى علطول ده , و حتى المغص بتاع اول الحمل باحس بيه كل فين و فين, باختصار اعراض الحمل الاولانى اللى كنت باحس بيها فى اخر الشهر الاول مش حاسة باى حاجة منها فى حملى التانى غير حاجات بسيطة اوى اوى , و عندى حاسة الشم بقت قوية جدا , ممكن اشم ريحة و افضل وراها لحد اما اعرف هى جاية منين مع ان محدش شمها غيرى, انا سالت أمى قالت لى ده عادى , و قالت لى ان فى حملها التانى محستش بحاجة الا لما بطنها كبرت , و سالت واحدة صحبتى قالت لى نفس الكلام برضه , عايزة اعرف ارائكم فى الموضوع ده لانى عمالة اشك فى اختبار الحمل مع انى عارفة انه مينفعش يطلع غلط لان ده هرمون يا يطلع موجود يا ميبقاش موجود ده غير طبعا ان البريود مجتش و ده تاكيد اكبر على الحمل و صحة الاختبار , بس اهو الوساوس مش راضية تفارق دماغى فعايزة اعرف رايكم
soma smsm soma smsm 102403_2.gif فتكات هايلة Fatakat 102403 القاهرة – مصر