ولدت الحمد لله يوم الخميس وقمت بالسلامة احكيلكو اية الى حصل انا كان اخر معاد ليا فى التاسع يوم 8 _10 ودا تانى حمل ليا وعندى جودى روح قلبى عندها سنة و10 شهور وولدتها طبيعى الحمد لله المهم انا قعدت كتير فى حملى دا وتعبت وزهقت وكنت بعمل مجهود فظيع وكان بيجلى مغص وتحجير وبعد كدا بيروح وكنت بتابع مع الدكتورة بتاعتى بس فى القاهرة دى الى ولدت معاها جودى بس المرة دى مكنتش بروح كتير عشان شغل جوزى فقولت فى الاخر ااتابع مع وحدة تانية المهم قبل ما اولد باسبوعين جالى وجع رحت للدكتورة قالتلى دا طلق وهتولدى خلال يومين بس اتمشى اتمشا مفيش فايدة وعدا اليومين وروحتلها قالتلى لا لسة المهم كل شوية لسة كنت بعمل مجهود فظيع المهم كان ميعادى معاها يوم الاحد شافت وقالتلى الراس نزلت تحت خالص بس لسة الرحم من هنا للاربع لو محصل حاجة هولدك قيصرى الخميس قولت لجوزى لا يلا نروح للدكتورة بتاعتى روحت للدكتورة بتاعتى الاتنين فشافت قالتلى كل حاجة كويسة والبيبى راسة تحت خالص والرحم زى الفل وهتولدى الخميس وطبيعى باذن الله بس اديتنى لبوس قالتلى اجيبة وحدة اخدها فجر الخميس والتانية فى المستشفى فعلا جيت يوم الاربع الفجر صليت وخدت اللبوسة ودعيت ربنا بالخير ودخلت نمت بس مجاليش نوم اوووووى فعالى الساعة 8 الوجع بدا يشتغل وبدا وحدة وحدةيزيد والساعة 10 روحت المستشفى فكان فى مساعدة الدكتور كشفت قالتلى الرحم فاتح اسم لسة بدررررى وفى طلق فكالمت الدكتورة قالتلها اديها اللبوسة التانية فا اديتهالى وعلقو محاليل المهم الوجع بدا يزيد ويزيد وبقيت اصوت واعيط واعض فى ايد جوزى وامى واقول يارب فجت المساعدة راحت شافت قالتلى دا لسة الرحم فتح 2سم ولسة بدرى وبدات اتوجع اكتر وصوتى كان قالب المستشفى كلها بس المهم جوزى سالها على حاجة مسكنة فقالتلو فى حقنة الضهر الى هى ولادة بدون الم المهم امى مكانتش راضية خالص عشان خافت على تاثيرها وانا قولتلهم هاخدها فالمساعدة قالت هنقول للدكتورة بس قفبل ما يدهالى كشفو عليا وقالو الرحم بدا يفتح بقا 4 سم والدكتورة قالت بلاش نديها الحقنة عشان خلاص انا بقا بقيت اصوت اد كدا المهم جوزى قالهم يعنى خلاص ولادة قالولو لسة الرحم لازم يفتح 10 سم فاضلها ساعتين بعد ما خرجو لقيت مياة بتنزل جامد فماما جريت بسرعة ليهم فقالولها احنا لسة كشفين عليها وقدمها ساعتين قالتلهم بس فى مياة نزلة عليها المهم كشفوا وقالو يلا بسرعة دى ولادة الرحم الحمد لله فتح 9سم وادوانى حقنة مخدرة ونزلو على العمليات بسرعة وانا بعد كدا محستش غير وهما بيفقونى وقالولى جبت مالك الحمد لله ربنا يخليهولى هو وجوجو وربنا يقومكو كلكو بالسلامة يارب
jasy2016 jasy2016 791253_8.gif فتكات هايلة Fatakat 791253 مصر الجديدة – egypt
سبحان الله و بحمده