انا الحمد لله ولدت يوم الاحد
وجبت بنوته ولحد دلوقتى محتارين فالاسم
بس بجد كان يوم صعب اوى اوى
ولحد دلوقتى تعبانه
مع انها تانى مره
الى حصل كالاتى
رحت المستشفى ودخلنا الاوضه جت الممرضه ادتنى
لبس العمليات ولبسته وعليه روب لحد ما يحضروا
ودخلت غرفه العمليات وكان قلبى مقبوض جدا
وحسيت انى مش هخرج تانى ابدا
وكان كل همى بنتى الكبيره لانى كنت خايفه عليها اوى
واخدت البنج وقمت على تعب الكون كله فبطنى
فضلت اصرخ واعيط تلات ساعات
كان ألم غريب جدا وادونى مسكن ومخدر كمان
والالم مش بيخف حتى
لحد الحمد لله ما شفت بنتى والألم كله اتنسى فلحظه
بس لحد دلوقتى وانا تعبانه
مع انى متعبتش اول ولاده كده خالص
الحمد لله على كل شئ
والله دعيت لكل متأخره فالحمل
ودعيتلكم كلكم
ويارب يقوم كل حامل بالسلامه
وبجد نصيحه منى لكل حامل
متشيليش هم الولاده
لانها هتعدى باذن الله على كل حال
وحشه حلوه بتعدى
انا وجوزى بنقول احنا زى ما نكون كنا فحلم
وصحينا منه
والحمد لله على كل شئ
**احساس رقيق** **احساس رقيق** 124435_15.gif ملكة فتكات Fatakat 124435 قلب جوزى – بناتى