السلام عليكم يافتوكااااااااااتى
الحمد لله بعد لف كتييييييييير جبت الاجهزة بتاعتى كلها بس عاوزة اطلب منكم ياريت لو واحده جربت الماركات اللى انا جيباها دى تقولى اى رايها
اول حاجه التلاجه جبتها زانوسى ال 14 قدم ولقيت ان ليها مميزات كتير زى انها واسعه جدا من جوا يعنى تشيل حاجات كتيييير وكمان شكلها شيك اوى والارفف بتاعتها بيركس مش بلاستيك ودى شكلها من جوا
والبوتجاز جبته اى كوك مع انى سمعت من ناس كتير انه اسم ع الفاضى وناس تانيه قالت العكس انه حلو جدا انا لما رحت اشترى سالت صحاب المعارض قالولى انه انضف حاجه لانه مستورد وتقفيل ايطالى وكمان ليه ميزات كتير وشوفت كمان البوتجازات اللى هى انتاج المصانع بس قالولى بردو ان مبقاش فى انتاج مصانع زى الاول واغلبيتها مضروبه وبصراحه عجبنى شكله وحبيته
الغساله بقى كنت رايحه ومقررة انى هجيبها Lg بس لما سالت على دورة الغسيل مدتها اد ايه قالى ساعه فسالته لو فى حاجه اقل قالى وايت ويل احسن من ال جى وبتاخد دورة غسيل نص ساعه بس ودى صورتها
ياريت يابنات اللى يعرف عنها حاجه يقولى رايه فيها لانى كنت مقررة اجيب ال جى بس قالولى دى احسن منها واعلى حاجه فى السوق
وجبت الخلاط والكبه مولينكس الفرنساوى بس جبتهم منفصلين عشان مش بحب الاعداد الكتيره دى وكمان قالولى احسن انك تاخدى كل حاجه لوحدها عشان الكيتشن ماشيين دى لو لقدر الله الماتور جراله حاجه كل اللى فوق ده هيبقى مالوش لازمه
والمكواه جبتها براون لقيتها شكلها حلو كده وكمان سعرها كويس ودى صورتها
المكنسه بقى كنت رايحه بردو وناوية على بناسونيك اليابانى وكان سعرها 1500 بس سبحان اللى كل اللى فىالمحل نصحونى بمكنسه سامسونج اولا قوة شفطها اعلى من بناسونيك وليها مكانين للتراب يعنى فيها سعة 2 ليتر مكان موجود فى اليد زى الازازة كده والكيس جوا وكمان فيها خاصيه بتعملك التراب كتلة واحده عشان لما تشيليه مايعفرش وكمان فيها مكان تانى للخرطوم غير المكان الاساسى بتحطى فيه الخرطوم وتشغليها فبيطلعلك الهوا لبرا عشان لو عاوزة تنفضى التراب من اى مكان ف الشقه يعنى تقدرى تشفطى التراب ومكان تانى يخرجلك الهوا لبرا وميزة كمان ان حجمها مش كبير اوى زى الباناسونيك يعنى تقدرى تتحركى بيها بسهوله وشكلها جميل اوى وكمان ارخص من باناسونيك وقالولى العيب اللى فى باناسونيك ان قطع غيارها مش موجوده ودى صورتها
اخر حاجه بقى جبتها الشوايه وجبتها كينوود ودى صورتها
كدة انا خلصت الحمد لله ياريت بقى تدعولى دعوة حلوة كده ان ربنا ينجحنى ويتمملى على خير وعقبال كل العرايس يارب
haneen gouda haneen gouda 956992_1.gif فتكات هايلة Fatakat 956992 القاهرة – مصر