السلام عليكم قمراتى
ازيك يا عسلات
انهارده هنعمل الحمام
يا لهوووووووووووووووووى بموت فيه بجد
وخصوصا الى بالفريك
هنبدأ بسم الله
المقادير
2 جوز حمام مغسولين كويس ومنقوعين فى مايه وملح وليمون
نص كيلو فريك متنقى ومعسول ومنقوع نص ساعه فى مايه
3 بصلات كبار مفرومين
2 فلفل حامى مقطع
زيت او زبدة
ملح وفلفل وبهارات وقرفه وكمون وزنجبيل
للسلق
هنحتاج ورق لورا وحبهان ومستكه وبصل وشعره كركم
وزنجبيل وملح
طبعا نفس الطريقه للارز للى مبيحبش الفريك
الطريقه
هنسخن الزيت او السمنه وننزل بالبصل المفروم مع الفلفل المقطع
والتوابل كلها ونشوحهم كويس مع بعض
اما يتحمصوا شويه ننزل بالفريك ونقلب زى ما بنفلفل الرز بالضبط
هنشيل اكتر من نص كميه الفريك فى بايركس وده هنعمله طاجن
والباقى الى للحشو هننزل عليهم بشويه مايه يستوا نص سواء
اما الى شيلناه فى الطاجن هنضيف عليه معلقتين كبار صلصه طماطم
وكبد الحمام
واما نسلق الحمام هناخد الشوربة بتاعته ونسقييه بيها وندخله يستوى فى الفرن
وطبعا بيقدم جنب الحمام وبيبقى رووووووووووووووعه بجد
وممكن بنفس الطريقه يتحط ليه لحمه مفرومه معصجه
ويبقى طاجن فريك باللحمه المفرومه
او ممكن برده لحمه مكعبات وبتبقى حلو اووى برده
ده الفريك وهو منقوع
وده الحمام مغسول كويس اووى
ده شكل الحشو اما استوى نص سواء
وده شكل الطاجن قبل ما ندخله الفرن
هنجيب الحمامه نحشيها كويس اووى بس منكترش علشان متفرقعش
ونفتح بايدنا بين الجلد واللحم ونحشى ونحشى جوه الرقبه
ونكتف الجناح لورا الحمامه
ونقفلها مكان الفتحه بالقوناصه وندخل الرجلين جوه بعض
ومن عند الرقبه نقفلها بخله سنان علشان الحشو ميخرجش
نيجى للسلق
هنحط البصل والتوابل مع شويه زيت صغيرين يتشوحوا
وبعدين ننزل بالحمام يتقلب وبعدين المايه ونسيبها اما تغلى
وبعدين نوطى النار
وبياخد حوالى ساعه وبعد نص ساعه نضيف الملح
وده شكله اما اتسلق
وده شكل الطاجن اما حطيتله الشوربه وهدخلبه الفرن
هناخده اما ندهنه زيت وشويه صلصه ونحطه تحت الشوايه
واما نحمره انا هنا حمرته
واما يطلع رشة فلفل اسود عليه وهو سخن
واتمتعى باحلى حمام بجد اتاكل بالعضم هههههههههههههههه
وده كمان
بصى كده هجوعكم اكيد
انا قلت من الاول اصحاب القلوب الضعيفه يمتنعون
وده كمان
بجد كان نفسى ادوقكم كلكم والله
زوووووووووم
لسه هكمل باقى الصور
انزلوا قيموا عقبال ما احطها
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى