النهاردة اتحمست وقلت اخبز عيش شامى فى الفرن الصاج _ غاز _
مش فرن البوتجاز الناس كلها بتخبز فيها وانا العيال هايموتوا و نخبز زى الجيران عيش شامى
أصل احنا فى بلدنا هنا شركات البترول بتصرف لكل موظف شوال دقيق شهريا
فالستات طول النهار بيعجنوا
المهم عجنت طبعا انا ما عنديش خبرة قالولى يبسى العجينة عجنت وخليتها ناشفة نوعا خفت انشفها قوى وسيبتها تخمر حوالى ساعتين
وقطعت العجينة وسيبتها تخمر حوالى ساعة
وفردت العيش بس طلع كبير شوية وسيبته يخمر حوالى نص ساعة
وجيت اخبز عينك ما تشوف الا النور مش عارفة اشيل الرغيف احطة على المطرحة اللى برمى فيها فى الفرن
طبير وطرى جدا بيمط فى ايدى وكمان مقشف جدا رغم اننى فى كل الخطوات اللى فاتت غطيته
ووطبعا فى الفرن ما نفخش طعمة حلو بس شكلة ………!!!!!!!!!!!!!!
بالله عليكم قولولى العيب فى ايه بالظبط ممكن يكون العيب فى كل الخطوات و ازاى اظبط كمان الفرن
لانى مصرة مصرة اكرر التجربة عندى شوال وعايزة اخلصة ما تكسفونيش قدام العيال و ابوهم
ارجوكم ردوا عليا و الا هاتيجوا تعملهولى انتوا
مستنية الرد مواضيع هذا القسم برعاية
حنان سليمان حنان سليمان فتكات هايلة Fatakat 25387 البحر الأحمر – مصر
سبحان الله و بحمده