بسم الله الرحمن الرحيم
انا كنت طول عمري اجتماعية وباحب اللمة والهزار واي مناسبة او في البيت مع ماما بنشغل اغاني وكنت باعرف ارقص زي اي بنت لحد من كام سنة كدة مريت بمشاكل كتير مع بابا وخطيبي واتصدمت في ناس كتير حواليا ونفسيتي اتأثرت جدا بقيت واحدة تانية خالص مش باحب اللمة ولما باقعد في وسط الناس ببقي مكتومة كدة وخصوصا في وسط اهل جوزي وانا كمان عروسة جديدة فكل شوية معزومة هنا وهنا ببقي قاعدة ساكتة الاهم بقي اني المفروض اني واخدة علي جوزي جدا بس مش عارفة مالي علي طول يشتكي مني بيقولي انا مش حاسس انك حرة من جواكي مابقتش اعرف لا اتدلع عليه ولا اعمل اي حاجة علي طول بافكر لو عملت كدة هيقيمني الزاي لو قلت الكمة ديه او بصيت البصة ديه هيشوفني ازاي طلب مني اكتر من مرة اني ارقص وانا مش موافقة علشان مكسوفة حاولت ارقص قدام المراية مع نفسي عشان ما اتكسفش منه لقيتني متكتفة ومش حاسة باي حرية جوايا وبدات المشاكل بنا تزيد مع ان بقالي شهر واحد بس متجوزة انا مخنوقة ومش عارفة اعمل ايه اغير في نفسي واحس بطاقة وحرية جواية وابقي منطلقة كدة
mahabeloo mahabeloo فتكات رائعة Fatakat 884620 الاسكندرية – مصر