بسم الله الرحمن الرحيم
اهلا بيكم فى الجزء السادس
من جروب الرجيم المثالى لتحقيق حلم الرشاقة
عندنا مسابقة جديدة من النهاردة
المسابقة
المسابقة سهلة جدا
كل اللى عليكى تشوفي جدول النقاط وتسوى الرجيم و التمارين اللي تعجبك و تحسبين نقاطك وتضيفينها هنا
ونهاية كل اسبوع نكرم العضوه الحاصله على اعلى عدد من النقاط
ونرجع نحسب النقاط من جديد..
شروط المسابقة
1: على جميع المتسابقات ممارسة الرياضه 5مرات بالاسبوع على الاقل .
2: الا يقل معدل النقاط عن120 نقطة اسبوعيا
من تتخلف عن احد الشرطين تستبعد.
جدول نقاط المسابقة
الاعمال المنزليه:
اي عمل من اعمال البيت لمدة ساعه =2 نقطه
الرياضه:
المشي العادي نص ساعه = 4 نقاط.gif)
المشي السريع نص ساعه= 8 نقاط
المشي على السير نص ساعه = 6 نقاط 
صعود الدرج نص ساعه= 5 نقاط 
السباحه نص ساعه = 6 نقاط
نزول الدرج نص ساعه =نقطتين
الدراجة الثابتة نص ساعه = 8 نقاط 
الايروبكس نص ساعه= 6 نقاط
الاوربتراك نص ساعه= 6 نقاط
الرقص السريع والمتواصل نص ساعه= 8 نقاط 
نط الحبل او النط العادي 100 مره=3 نقاط 
يوجا نص ساعه= 3 نقاط 
تمارين مختلفه 100 مره =10نقاط 
الاوزان 100 مره لليد= 7 نقاط 
نقاط صحــــــيه
شرب فيتامينات او حديد او كالسيوم او اي مكمل غذائي= 1 نقطه
شرب 8 اكواب ماء = 4نقاط
شرب 3 من اى وصفة عشبية= 3 نقاط
ايقاف الاكل قبل النوم بـ3 ساعات= 5 نقاط
عمل مساج عميق للبطن والفخدين والذراعين لمدة 10 دقائق= 5 نقاط
نقاط الــــدايت
الالتزام بالدايت حرفيا 15 نقطة
الالتزام بالدايت مع عك وتخريف خفييف 6 نقاط
العك والتخريف في الدايت= – 5 تنقصين خمس نقاط من مجموعك
الدلع والاهتمام بالجسم والشعر والبشرة
اى ماسك..او خلطة خاصة بالجسم او الشعر او البشرة..يتحسب لها((كل حاجة لوحدها) 3 نقاط
استماره النقاط
على كل متسابقه وضع مشاركه خاصه فيها وتكتب في الاستماره تاريخ اليوم والي سوته من اعمال ونقاط
الاستمارة
مدى الالتزام بالرجيم: = نقطة
الاعمال المنزلية..مدتها: = نقطة
الرياضة(نوعها والمدة: = نقطة
تناول فيتامين او اى مكمل غذائى: = نقطة
شرب الماء = نقطة
شرب اى وصفة عشبية: = نقطة
عمل مساج للبطن والفخدين والذراعين = نقطة
الدلع والاهتمام بالجسم = نقطة
ايقاف الاكل قبل النوم ب3 ساعات = نقطة
.
وهذا المثال عشان تفهموا اكثر
يابنات ده نموذج للاستمارة اللى حنبتدى بيها المسابقة الاسبوع اللى جاى
علشان تعرفوا حنعمل ايه
الاستمارة…
السبت 24/7
1)مدى الالتزام بالرجيم: كنت صائمة
الفطار..بيضة..كوب شاى بلبن.شريحة كنتالوب
الغداء طماطم
العشاء 2بيضة.رغيف سن.بقدونس وجرجير بدل الخس..تفاحة بدل البرتقالة
الرجيم تمام وبدون اى عك تماما =15 نقطة
الاعمال المنزلية..مدتهاساعة: =2 نقطة
الرياضة(نوعها والمدة:عجلة نصف ساعة=8+تمارين مختلفة=10 = المجموع 18 نقطة
تناول فيتامين او اى مكمل غذائى: =1 نقطة
شرب الماء = 12 كوب يعنى 6نقطة
شرب اى وصفة عشبية: = 3نقطة
عمل مساج للبطن والفخدين والذراعين = صفر نقطة
الدلع والاهتمام بالجسم = صفر نقطة
ايقاف الاكل قبل النوم ب3 ساعات =5 نقطة
المجموع = 50 نقطة فى اليوم
وهكذا الى نهايه الاسبوع
….واعلى واحدة فى النقاط خلال الاسبوع حنعمل لها زفة هنا
وفى خلال الشهر..حنعمل لها موضوع فى جزء الرحيب والتهانى علشان الكل يهنيها…
الكلام لكل البنات
لازم التزام..ولازم تهتموا ولو شوية وتبذلوا حبة مجهود…..ايه اللى حيتعبكم انكم تقولوا عملنا كذا او معملناش كذا.؟..وانا قلت حكتب لكم النقط واجمعها
بنهتم بكل حاجة وننسى نفسنا او نركنها على جنب…وده سبب رئيسى للتخن اللى احنا فيه
ما تجيش واحدة تقولى احنا بنعمل دايت وخلاص…مالهاش دخل باقى الحاجات التانية
لا…ليها دخل ونص
ايه فايدة الدايت..من غير ما تلتزمى بيه او تعكى كل يوم.؟؟..بتعذبى نفسك على الفاضى…لازم تبذلى جهد علشان ما تعكيش وتقدرى تخسى
ايه فايدة الدايت ..من غير رياضة؟؟…ممكن تخسى((بعد فترة طويلة)) وجسمك كله ترهلات..او تخسى من فوق بس ومن تحت تفضلى زى ما انتى
تبقى شوهتى جسمك وخلاص؟؟؟
ايه فايدة الدايت من غير شرب الماء والاعشاب المساعدة…..وشك حيكرمش وباقى جلدك..وتبانى عجوزة وانتى لسه صغيرة
ايه فايدة الدايت وانك تخسى وشعرك يقع وبشرتك باهتة ..مش حتحسى بحلاوة الخسسان…حتقولى ياريتنى فضلت تخينة بس حلوة
ايه فايدة الدايت والبيت مش منظم ..مش حتعرفى تخسى..لان البيت اللى مش منظم ..ده ناتج عن الكسل..اللى سببه الاكتئاب
لما تشتغلى فى البيت ..حتى لو كل يوم حاجة,,حيفضل البيت نضيف ومنظم..وده حينعكس على نفسيتك.. واقبالك على الحياة..وتخسى اسرع
كل نقطة فى الاستمارة مهمة..ولازم نشجع بعض
انا امبارح عملت بروفة للاستمارة …ممكن حاجات كتير ما اكونش عملتها..بكرة ازود..بكرة اهتم
دايما المنافسة والمسابقات ..بتحمس..وتزود النشاط
الاستمارة دى والمسابقة ..انا نقلاها من مدونة تانى…مش بدعة انا عملاها..وكل اللى فى قسم الرجيم عندهم ملتزمين بيها وعددهم فوق الالف
ليه احنا بقى نكسل
واحدة بتقول…عندى خادمة..ومش بحب شغل البيت..لكن الاستمارة حمستنى اخد نقاط اكتر..ولما بدأت ارتب غرفتى ..احساسى تغير
وحسيت انى انجزت شىء..والحين بعد 4 شهور…لى عمل دائم فى البيت..واحب احط لمساتى..واحب انى اطبخ…وابى اصرف الخادمة..ما لها شغل..انا اعمل كل شىء..ونفسيتى كتير مرتاحة..حتى زوجى يقولى وجهك منور..وعندك حيوية اكثر مما كنتى عروس..ايش تسوين..كل يوم عمرك بيصغر وتصيرين اجمل واجمل
مش نفسكم تكونوا كده..وتحبوا نفسكم..وتحبوا الدنيا…وتبقى نفسيتكم مرتاحة؟؟؟
الكل عايز يسمع كلام حلو زى كده…صح ولا انا غلطانة؟؟؟؟؟؟؟؟؟؟؟؟؟؟
طبعا الموضوع بتاعى متعودين ان فيه رجيمات ومعلومات كتير
بس للاسف ما قدرتش انقلها هنا..فيه مشكلة فى النقل من يومين
كل الرجيمات ..والتمارين الرياضية والفيديوهات
والوصفات الخاصة بالرجيم والتخسيس والبشرة والجسم والشعر
وعلاج الترهلات..وتسريع معدل حرق الدهون..
كل ده حتلاقوه فى الرابط ده
https://fatakat.univanet.com/#770833
مع تمنياتى للكل انه يخس بصحة وجمال
حبيبة_امها حبيبة_امها 202418_3.gif ممنوعة من المشاركة Fatakat 202418 البحيرة – مصر