بسم الله الرحمن الرحيم
سبحان الله وبحمده سبحان الله العظيم
هنا ياجماعة حيكون مرجع ليكم لجدول التخسيس الي ماشيين عليه محدش يرد علي الموضوع علشان الوصفات والجدول ميضيعش ومتعرفوش تجيبوه
ان شاء الله حتخسوا في الاسبوع الواحد 2كيلو جرام اي حتخسوا 8كيلوجرام خلال شهر واحد
1-اولا الفيديو دا جزء من العلاج يعني لازم تشوفوه وتطبقوا الي فيه الفيديو دا للدكتور ابراهيم الفقي واعملوا معاه الي بيقولكم عليه واقروله سورة الفاتحة
https://www.youtube.com/watch?v=GDJ5kVqT-lc&feature=share&list=PLE2536DCAB843AE71
ودا الفيديو رقم 2 https://www.youtube.com/watch?v=qXCmCGUqA3U
2-الاهتمام بالنظافة العامة حتديكي الثقة في نفسك ومتنسيش غسل اسنانك اول ماتصحي وممارسة تمارين شد العضلات الي موجودة في الفيديو
3-شرب كوبايتين مية او كوب ماء في الصباح ومتاكلوش غير بعد مرورساعة
4-
الفطار : ممكن تاكلي طبق صغير فول وقطعة جبن صغيرة مش كبيرة وخبز اسمر وبيضة مسلوقة شايفة الفطار حلو ازاي
طيب اكيد مش كل الناس حتمشي علي الفطار دا نعمل ايه
حتبعدوا عن الاتي (النشويات كلوا خبز اسمر ورغيف واحد فقط وتشربوا لبن خالي الدسم ممنوع تاكلي مربي )
ممكن الفطار بتاعك يكون كورن فليكس فقط
والزبادي تكون زبادي اكتيفيا
وفيه زبادي اكتي لايت
تعاليلي هنا بقي وانتي بتاكلي ابلعي الطعم ببطء وامضغي الاكل كويس جدا مفيش حد بيجري وراكي وتاكلي لقمة صغيرة
خلصتي الفطار ممنوع تاكلي لمدة ساعتين
بعد مايعدي ساعتين ليكي مشروب من دول مسموحلك تشربيهم (الجنزبيل -الينسون – الالشمر -الكراوية النعناع -الشاي الاخضر)
نيجي بقي للرياضة وهي رياضة المشي من الخطر انك تبداي تمشي مدة طويلة مرة واحدة
المشي مفيد جدا للتخسيس وعامل مهم في حرق الدهون
المشي من 5-ل 10 دقائق بينشط الدورة الدموية فقط
والمشي من 15 – ل30 دقيقة بيقوي عضلات ومفاصل الجسم
والمشي اكتر من 35دقيقة هنا بقي بتبدا الدهون في الذوبان
يعني لو مشيتي في اليوم لمدة ساعة ان شاء الله حتخسي 1/2 نص كيلو في اليوم بس حاجة مهمة ممنوع لما تعملي تمرين المشي انك تشربي مية او اي عصير او مشروب بارد
بداية برنامجنا حتمشي من 5دقائق لحد ربع ساعة مشي ان شالا تمشي في الشقة واليوم التاني حنزود المدة وحتبقي من ربع ساعة مشي لحد نص ساعة مش واليوم التالت حنمشي من نص ساعة مشي لحد ساعة مشي
مطلوب مننا نوصل لساعة مشي لكن بالتدريج
كل ساعتين حتشربي مشروب ساخن (زنجبيل -ينسون – شمر -بردقوش )بس بشرط ممنوع تحطي سكر عليهم
نيجي بقي للغداء
قبل تناول وجبة الغدا لازم تشربي كوبايتين مية لو مش حتقدري يبقي لازم تشربي كوباية مية
قبل الوجبة
اهم حاجة يكون فيه سلطة ودي الي تبداي بيها الاكل وتتعمل بزيت زتون لو مفيش زيت زتون عندك خلاص حطي زيت عادي
اعملي شوربة وفيه شوربة تخسيس تتكون من (بصلة -2فص ثوم -2ورق لوري -2فص حبهان -ثمرة من اي خضار ممكن تحطي جزر او كوسة)
مسموحلك تاكلي تونة ومكرونة بيضاء
مسموحلك تاكلي اكل مطبوخ علي البخار لو معرفتيش تطبقي النظام دا
حيبقي حتحطي الاكل الي بتحبيه لكن مش حتملي الطبق يدوبك حاجة تدخل معدتك لكن ممنوع تشبعي
مسموحلك بالشاي الاخضر
الفاكهة الي مسموحلك بيها
البلج من 3ل7ثمرات في اليوم -تفاح – برتقال
بدل ماتاكلي بطاطس اوشيبسي بدليها بالفشار
واللبن بدليه بلبن خالي الدسم
نيجي لاهم حاجة بليل بقي منوع تاكلي غير قبل النوم بساعتين يعني لما تاكلي ممنوع تدخلي تنامي غير لما يعدي عليكي ساعتين
وفي اليوم اعملي تمرين التنفس الي قلتلك عليه في البداية
الممنوع والمحظور
ممنوع اكل الكبدة -السدق -الجبنة الرومي -الفراولة -المانجة – العيش الابيض -المكرونة لو عايزة تاكليها كليها من غير صلصة لان الصلصة هيا الي بتطخن -ممنوع تاكلي محشي -كشري – مكسرات -ترمس)
لو نفسكم تاكلوا اي حاجة من الي فاتت ممكن تتذوقوها فقط لكن ممنوع تاكلوها والي حتخس حسمحلها باكله هيا بتحبها
ملحوظة هامة جداااااااااااااااااااااااااااااااااااااااااااااااا
الوزن المطلوب خسرانه خلال 7ايام هو 2كيلو يعني يوم الاحد الي جاي ان شاء الله حشوف اوزانكم واللي مكانش عندها ارادة ورغبة حقيقية ومعرفتش تخسر ال 2 كيلو كدة حيكون فيه جزاء وتمارين رياضية شاقة جداااااااااااااااااااااااااااااااااااااااااااااااا اااااااااااااااااااااا انا حاطالكم رجيم حلو جدا وفيه كل الي انتوا عاوزينه لكن الي مش حتخس ححرمها يوم كامل من الاكل حيكون طول اليوم تمارين واكل فاكهة وخضار فقط انتوا حرين
صباح الخير علي احلي ناس عندها ارادة ها ايه الاخبار صاحيين ونفسيتكم عاملة ازاي عايزاكم تزعلوا مع الاكل شوية شوية كتير زعلتوا ؟ زعلتوا خلاص هههههههههههههههههههه تعالولي هنا بقي تمارين التنفس وغسل الاسنان والمشي وانتي واقفة مكانك وشد عضلات جسمك خلصتي روحي اشربي من كوب ل 2كوب ماء وممنوع الاكل الابعد مرور ساعة اشتغلي فيهم نضفي البيت خلصي الي وراكي
لما تعدي الساعة حضري لنفسك مشروب الزنجبيل او اليانسون او الشمر واستني نصف ساعة وافطري طبق فول صغير وخبز اسمر الي نسي يشتري الخبز الاسمر محروم من وجبة الفطار النهاردة فطارك حيكون ان شاء الله كورن فليكس وزبادي اكتي لايت او اكتيفيا والي حابب يفطر بيض يكون بيض مسلوق ياجماعة اثناء اليوم الي محتاج ياكل حاجة هو مش عارف حلوة ولالايجي يكلمني ويسالني وعايزاكم تقولولي الرجيم حلو معاكم ولاتقيل عليكم
5-ممنوع حد ياخد حبوب تخسيس من ورايا
6-
جماعة اهم حاجة قبل الاكل لازم تشربوا كوبايتين مية قبل وجبة الغداء لو مش حتقدري يبقي اشربي كوباية مية او كوباية ونص
7- اهم حاجة الرياضة ثم الرياضة ثم الرياضة ثم التنفس ثم الارادة وتمارين شد الجسم
t9t9t9 t9t9t9 97574_4.gif فتكات متميزة Fatakat 97574 الاسكندرية – مصر