السلام عليكم ورحمة الله وبركاتة
النهاردة قولت اغير فى الغدا شوية وعملت تورلى بس رهييييييييييييب والله يافتوكات طعمة لا يوصف بجد ياريت تجربوة
المقادير
لحمة قطع
بصلة متوسطة
فصين توم
باذنجانة متوسطة
جزرة كبيرة
بطاطساية متوسطة
3 كوسات
فلفلة صفرا
فلفلة حمرا
3 طماطمات متوسطة
ملح
فلفل
كمون
كسبرة ناشفة
معلقة زيت
وطبعا ممكن تضيفى بسلة وفاصوليا براحتك يعنى بس انا اكتفيت باللى فوق بس وكان رائع ماشاء الله
الطريقة
هنقطع البصل ونحطة فى صينية مع اللحمة والزيت ونشوحهم
هنضيف الباذنجان
ونشوحهم شوية مع بعض ونضيف الجزر والكوسة
هنقلبهم ونضيف البطاطس والفلفل
ونضرب الطماطم مع التوم ونضيفها عليهم مع التوابل
واول ماتغلى نطفى عليها ونلفها بالفويل
هندخلها الفرن على 180 او 200 لحد ماتستوى ونطفى ونولع الشواية تاخد وش وهى قعدت معايا ساعتين الا ربع فى الفرن ودة شكلها
ونقدمها مع رز وسلطة خضرا وبالهنا والشفا
مواضيع هذا القسم برعاية
دودى وبسسس دودى وبسسس images/flowersavatars/avatar0020.gif عضوة فى ذمة الله Fatakat 309416 المنصورة – مصر