السلام عليكم ورحمه الله وبركاته
مشكلتى انى بتوتر على طول و بتعصب جدا…ودة عملى مشاكل كتير من وانا لسه صغيرة….ومن المشاكل اللى قبلتنى زى ضغط الدم الغير منتظم مره يكون عالى و مره يكون واطى و مره يكون اللى فوق عالى و اللى تحت واطى لدرجه ان الدكتوره اللى فى الصيدليه بتقولى انتى ملكيش حل….و غير كدة لما بكون خايفه و متوتره من امتحان او حاجه تانيه…القولون العصبى بيشتغل مع الضغط مع صوابع رجلى وايدى بتطلع فيها حبوب زى الحساسيه و بتورم اوى…و برضه الدوره الشهريه مش بتيجى لما ببقى متوتره و دة سببلى مشاكل بعد الجواز منها مشاكل فى الحمل و تكيس وظيفى على المبيض نتيجه لعدم نزول الدوره شهر واحد(شهر الامتحانات)…
وانا كل لما اروح لدكتور يقولى انتى متوتره و عصبيه ولازم تسيطرى على نفسك ….وانا بجد مش عارفه اعمل ايه
لو حد بالله عليكم يقدر يساعدنى و يعرف حاجه ممكن اعملها انى اقلل من توترى…او يعرف حد كان بيعانى من التوتر والحمد لله قدر يسيطر على نفسه …يقولى بالله عليكم
فتوكه ستوكه فتوكه ستوكه فتكات حبوبة Fatakat 1112512 الجيزة – مصر
سبحان الله و بحمده