نبدأ بسم الله ده ترمس مر عارفينه طبعا بياخد غلبه اسبوع او اكتر وتفضلي تغير الميه انا بقي توصلت لطريقه بتنجز المهمه في 3 ايام اصل زوجي بيحبه وبيقول ع الترمس الحلو مالوش طعم هههه غاوي تعبي ☻
بليته طبعا الصبح بعد 3 ساعات كان نفش كده زي مانتم شايفين بس بعمل ايه بقي عشان ينزل مرارته بسرعه ونخلص اول ماينفش كده وياخد حجمه اروح بيه عالنار لحد ما الميه تسخن قوي تبقي خلاص هاتغلي اروح مطفيه واسيبه منقوع في الميه السخنه دي شايفين لونها بقي اصفر
واكرر العمليه دي مره الصبح ومره قبل مانام مع تغير الميه قبل ماحطه ع النار يعني اسيبه منقوع في السخنه واغيرها قبل ماكرر الموضوع ده بالليل وهكذا 3 ايام بيبقي فله وبحب اعمل معاه حمص الشام ابله برضوا لما ياخد حجمه وبعدين اسلقه بس ده في اخر يوم لما الترمس يجهز
بعدين اقلبهم مع بعض واضيف الملح وبفضل الملح الخشن
وطبق لحبايبي الحلوين
وعصره ليمون بس ع الطبق وقت الاكل
بحبكم في الله واسالكم الدعاء لي بالشفاء وصلاح الحال ويفرح قلبي بما اتمني
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله