ازيكم يا فتوكات ياحوامل عاملين ايييه؟
وحشني قوووي القعده على فتكات لان بقالى 10 ايام فى صراع مع الالم والتعب وجايه النهرده احكيلكم تجربتي عشان كل ست تاخد بالها
انا حامل فى اخر الشهر السابع ولله الحمد ربنا يتمها عليا على خير يارب وعلى كل حامل … من 10 ايام جتلى كحه شديده بس انا طنشت قلت اكيد دور برد وداخل عليا وفضلت اشرب فى ينسون ونعناع وخلاص ومن 5 ايام الله لا يوريكم جوزي كان فى الشغل وانا صرخت صرخه مووووت مش عارفه اتنفس وبقطع فى النفس وقلبي بيدق بسرعه ووشي وشفايف ازرقوا قووووووووي
واتصلت بيه جري بيا عالطوارئ وحطولى اكسجين ومحلول وادويه وهلم جره….. ودكتور الصدر جه كشف عليا قلي يا بنتي ده ربنا نجاكي الرئه عندي منهكه وعندي التهاب حاد فى الشعب الهوائيه والقلب بينبض بصعوبه وكتبلى على 4 ايام انام فى المستشفى وشفت فيهم العذاب اولا لانى بترعب من الحقن وبجد اتهريييييييييت وتحاليل دم وبول واكسجين وبتجيلي نوبات من صعوبه التنفس والممرضات ييجوا جري عليا يسعفوني وكانت حالتى مميته بجد والبيبي عمال يرفس جاااااااامد وتشنجات وتقلصات فى الرحم من كتر الكحه والتعب ….
تيجي فتوكه حلوة تسألنى ايه السبب فى كل ده؟؟؟
اقوم اقلها بصي يا ستى ده نتيجه السمنه الى انا فيها لانى للاسف اتجوزت وكنت مستعجله قووووووي عالحمل وحملت وكان وزني 90 كيلو ودلوقت فى السابع بقيت 98 كيلو وطبعا البيبي بيكبر كمان وبطني كانت كبيره اصلا وعندي كرش فا طبعا كل ده والبيبي ضغطوا بشده على الحجاب الحاجز والرئه والقلب فا اصبح التنفس بصعوووووووووووووووووبه ويادوب لو مثلا سرحت شعري بنهج وبدوخ ورجلى وجعاني وضهري وكلي كلي تعباااااااااااااان
وكمان اتألمت جدا والممرضات بيدورا على وريد يحطوا فيه المحلول وطبعا مش باين عشان ايدي تخينه اتعذبت قووووووووووي الحمد لله نصيب اهم حاجه البيبي بخير
بجد نصيحه لوجه الله اى وحده ناويه تحمل احب اقلها خسي الاول الحمل صعب فى اواخره والست بتتقل تقل رهيب وكله هيحمل على ضهرها وعضمها ودي كانت تجربتي الى خلتني اخد عهد على نفسي ان لما اولد ان شاء الله هعمل ريجيم المرضعات وهعمل رياضه عشان انزل من وزني انا تعبت جداااااااااااااااااااااااااااا ومرعوووووووووووووووبه من الشهر التامن والتاسع والبيبي عمال يكبر ربنا يستر ادعولى بالصحه وولاده سهله احسن شفت الموت بعنيا
Kala Koko Kala Koko فتكات حبوبة Fatakat 615022 طنطا – مصر