ازيكم يا فتوكات
حد عاوز ياكل بيكاتا
طب جهزى نفسك و خليكى معايا
نبدأ
بسم الله الرحمن الرحيم
نجيب الاول صدور الفراخ و نغسلها و نقطعها زى البانية و نتبلها بملح و فلفل اسمر من الناحيتين و نجيب طاسة و نسخنها على النار و بعدين نحط حتة زبدة و شوية زيت و نحمر الفراخ من الناحيتين
و نرفعهم من على النار فى طبق على جمب
و فى نفس الطاسة نحط تانى شوية زيت و نضيف البصل المقطع
انا بقطعه صغير لانى مباحبش اشوف البصل فى الاكل بس انتى ممكن تقطعيه شرايح
و لما البصل يصفر نضيف التوم المدقوق
و بعدين نضيف المشروم
و نقلبهم و بعدين نضيف الكريمة اللبانى و الملح و الفلفل
و اول لما الكريمة تغلى نرجع الفراخ فى الطاسة تانى
و نسيبهم يغلوا شوية مع بعض على نار هادية لحد ما الفراخ تستوى
يعنى هتاخد تأريبا 10 دقايق
وكدة تكون استوت
تكونى فى الوقت دة سلقتى المكرونة
تغرفى بقى الفراخ على جمب الطبق و اقلبى المكرونة مع الكريمة و اغرفيها فى الطبق
و ممكن تتاكل مع رز ابيض بدل المكرونة
و قدمتهم مع بطاطس شيبسى
و خضار مشوى فى الفرن
و بس خلااااااااااااااااااااااااص
ها تمام تمام
التقييم و الردود بقى مواضيع هذا القسم برعاية
جيجى الرغاية جيجى الرغاية 445317_3.gif فتكات ست الكل Fatakat 445317 عفيف – السعودية
سبحان الله و بحمده