حبايبي القمرات البنات والامهات
حفظكم الله وحفظ مصرنا الغالية
البيتزا من الوجبات اللي بيحبها الاولاد والبنات الكبار والصغار
طيب هو ينفع نعمل كمية من فطائر البيتزا نسويها نصف سوا ونشيلها في الفريزر للاستخدام في اي وقت من غير الحشوة الخارجية..وبتنفع في الرحلات والمصايف تتطلعي تضيفي الحشو اللى يعجبك وكمان مش كل لما نحب نعمل بيتزا نبهدل المطبخ ونعجن ونسوي ههههههه كسل بقي
طبعاااااااااااا
وبفضل الله عملت 2 كيلو دقيق وعملوا 8 فطائر وتطلعي تعملي علي قد الاستعمال الخاص بيكي والباقي علي الفريزر
وتطلعية ويادوب تضيفي له الجبنة شرايح الفلفل والطماطم وصلصة علب تخففيها بميةشوية وملح وفلفل اسود وتكون احلي صلصة واللي عندك متوفر وعلي الفرن
يادوب ربع ساعة او اقل وتكلي احلي بيتزا
زي الجاهزة
واللي بتتباع في السوبر ماركت مافيش فرق
وتكيسها كل قرص لوحدة وعلي الفريزر
المقادير
2 كيلو دقيق
2 كيس خميرة فورية
نصف كيلو لبن
معلقة كبيرة سكر
2 كوب زيت
نصف كوب زبد او سمن
مية دافية لو العجين احتاج
الملح معلقة كبيرة بنضيفها بعد ماتخمر العجين
الطريقة
نخلط الخميرة مع السكر واما تخمر نضيف الزيت والسمن واللبن والدقيق ونتركها ترتاح ونشكل الفطائر في الصواني ونتركها ربع الساعة ونطلعها نصف السوا ونكيسها وعلي الفريزر
ونشوف الصور توضح اكتر
علي فكرة اقراص البيتزا عالية شوية بس انتي ممكن ترفعيها شوية بس انا لما خبزتها في المرحلة التانية وضفت الحشو ماكنتش تخينة وسمكاها حلو قوي
حبايبي القمرات
بحبكم ومستنياكم
دعوة حلوة..لاختكم ام محمود
مواضيع هذا القسم برعاية
ام محمود123 ام محمود123 546601_2.gif فتكات رائعة Fatakat 546601 القاهره – مصر