بسم الله الرحمن الرحيم
ازيكم يا احلى بنات احنا النهاردة اتغدينا بطة مشوية ومحشية فى الفرن
وادى شكلها علشان نفتح نفسكوا فى الاول
اولا البطة
بطة بكينى وزنها ما يزيدش عن 2 كيلو
بصلتين كبارمبشورين خشن
ملح وفلفل و بهار
عصير برتقالتين بلدى
نغسل البطة كويس اوى وننقعها فى ميا فيها ملح ودقيق وخل وبعدين نشطفها كويس اوى
نحط البصل على التوابل والبرتقال ودى حتبقى التتبيلة اللى حنتبل بيها البط
حنتبل البطة بيها كويس ونملاها من جواها بالبصل ده ونسيبها فى التلاجة من قبلها بيوم وده شكلها بعد ما اتبلت بالبصل
علشان نعمل الارز بتاع البطة
مج ارز
بصلة متوسطة مفرومة
ملح وفلفل وبهار وقرفة بسيط
زبدة
حنشوح البصلة فى الزبدة لغاية لما تصفر
بعد كده نحط الرز والتوابل والملح ونشوح
بعد كده نحط ميا على الرز يادوب تغطى بس الرز
نسيبه على النار يشرب ميته ويستوى نصف سوا
بعد كده نجيب البطة وننشلها من التتبيلة ونطلع البصل من جواها ونبدا نحشيها بالرز ده بس مش نملاها اوى علشان لسه حيتمدد
وممكن نحشى الزور زى ما انا عاملة وممكن نقفل البطة بالخلة او بالفتلة زى الحمام علشان الرز ما يخرجش بره البطة لو تحبوا
او تسيبيها من غير ما تقفليها وده اللى انا عملاه علشان جزء من الرز يخرج ويتحمر مع البطة بيبقى طعمه جميل اوى
وده شكلها بعد ما حشيتها
وده شكلها بعد ما قفلت الجلد عا الرز بس من غير ما اخيط زى ما قولتلكو اللى عايز الرز ما يخرجش خالص لازم يخيطها كويس من النحيتين
وجبت الصينية حطيت تتبيلة البصل كلها تحت البطة والبطة عليها
بعد كده نلفها بورق الفويل كويس اوى ونكون مسخنين الفرن نحطها علشان تستوى
بعد كده نتابعها كل نصف ساعة علشان لو محتاجة ميا نزودها علشان تستوى لغاية لما تستوى هى بتاخد فى الفرن من ساعتين ونصف لتلات ساعات
وهى ملفوفة بالفويل ولما تستوى نشيل الفويل ونحطها تحت الشواية علشان تتحمر
وده شكلها لما استوت وحندخلها علشان تتحمر
وده شكلها لما خلصت وحطيناها فى الطبق وتحتها صوص البصل اللى كان تحتها وحطينا منه عليها من فوقها والصوص ده يا جماعة طعمه بيبقى حكاااااااية
وطبعا قدمت معاها سلطة زبادى بالخيار
ها ايه رايكم فى البطة
مستنية رايكم وتقييمكم يا قمرات مواضيع هذا القسم برعاية
۩۞۩ الحمد لله رب العالمين ۩۞۩ ۩۞۩ الحمد لله رب العالمين ۩۞۩ 94824_2.gif سوبر فتكات Fatakat 94824 جدة & المنصورة بلدى حبيبتى – السعوديه دلوقت و مصر فى الاجازة
سبحان الله و بحمده