السلام عليكم ورحمة الله وبركاتة
ازيكم يافتوكات ياعسلات
سمعاكم بتقولوا انتي اخدتي القسم دة لحسابك
اة انا هسجلة باسمي
ههههههههههههه
الموضوع دة هيكون تجميعي لكل انواع البطاطس
هنعمل 3 انواع من البطاطس
1- البطاطس الفارم
2 -البطاطس الفريسكس بتعة كوك دور
3- الشيبسي
يلا ندخل بسرعة علي البطاطس
قصدي علي الموضوع
اول حاجة لازم تجيبي البطاطس للتحمير
وفية نوع دلوقتي في السوق هتلاقي فية نقطة حمراء دة اجود انواع بطاطس التحمير اللي في السوق
هنقطعها صوابع بالشكل دة
هنحط عليها شوية ليمون وملح ونضعها في ماء مغلي
واول ما تغلي الماية مرة تانية هنشيل البطاطس
يعني احنا مش عايزينها تستوي في الماية
النقطة دة مهمة اوووووي
ودة بعد اول غلوة زي ما قلت
وصفناها بمصفاة
هنا هنبطنها بالدقيق
ودة البطاطس الفارم
بعد ما بطناها بالدقيق
حمرناها في زيت غزير
دة بقي النوع رقم 2
البطاطس الفريسكس
البطاطس دة مشهورة اوووي في كوك دور
وحلوة جدا
هنحط 1/4 كوب دقيق+2معلقة نشا+معلقة سكر+ملح +شطة +1/2 معلقة بيكنج باودر
ثم ننزل بالماية حتي تصبع عجينة قوامها سائل بس مش اووي يعني في قوام الطحينة كدة
عشان يمسك في البطاطس
هنحط البطاطس في هذا الخليط
هنحمرها في زيت غزير
وهتبقي بالشكل دة
بجد روووووووعة ومش هتبطلوا تعملوها
وهنا
الاتنين مع بعض
نيجي بقي للشيبسي
ولا ننسي مساعدة استاذ يوسف في تقطيع الشيبسي
اصلة تخصص شيبسي
يعني ممكن يقطعة وميكلهوش بس بيفرح بالمبشرة
دة بعد ما يويو خلص تقطيع الشيبسي
هنا حطيت شوية خل وليمون وملح
ودة كانت النتيجة
جميل اوووي ومقرمش جدا
بس كدة
يارب الموضوع يكون عجبكم
والسلام عليكم ورحمة الله وبركاتة
مواضيع هذا القسم برعاية
omyoyo60 omyoyo60 236397_1.gif فتكات غالية قوي Fatakat 236397 القاهرة – مصر ام الدنيا