بسم الله الرحمن الرحيم
ازيكوا يا فتوكات اول موضوع لى فى القسم ده شجعونى
انا دورت كتير على طريقة للبصل المقرمش بتاع الكشرى المهم الحمدلله وصلت لطريقة تحفة من اختراعى ولو دورتوا على النت مش هتلاقوها غير عندى لانى لسه حالا مخترعاها
وقولت اجربها قبل ما اقولكوا عليها والنتيجة لا توصف تحففففففة
والله ما كنتش ناوية اعمل كشرى النهاردة قولت اجرب البصل وبكره اعمل الكشرى بس لما البصل طلع تحفة عملت الكشرى
المهم هاقولكوا على طريقتى
أولا: قشرت البصل وقطعت كل بصلة اربع انصاص وعملتها شرايح رفيعة
ثانياً: جبت مصفاه ووضعت عليها مناديل ورق وتحت المصفى وضعت طبق وفرشت البصل فى المصفاه ورشيت شوية ملح وحطيتها فى الشمس لمدة ساعة وكل ربع ساعة اقلب البصل علشان ميته تصفى
ثالثا: بعد ساعة جبت البصل ونشفته بمناديل ورق وبعديها رشيته بشوية دقيق
رابعاً: جبت حلة صغيرة وحطيت زيت كتير وعليت النار وسبتها لغاية ما غليت كويس وحطيت البصل مع استمرار التقليب هتديكى لون ذهبى تحفة وتشليه من الزيت على ورق
وبالهنا والشفا
طبعا الزيت مش هيترمى هتعملى به الصلصة والرز
هى الصراحة جاتلى الفكرة من الباذنجان المقلى لما بنحطه شوية فى الشمس وبعد كده يقلى بيطلع ناشف وجميل
مواضيع هذا القسم برعاية
مصرية بمدينة الرسول مصرية بمدينة الرسول 524106_1.gif فتكات نشيطة Fatakat 524106 المدينة المنورة – السعودية