البصارة مش هتلاقيها عند حد تانى وخلى بالك من صوابعك

انهارده يا فتوكات السيدات وحتى البنات جيبالكم البصارة يا ميت خسارة للى معملتهاش
نحضر ربع كيلو فول مدشوش وده هيعمل حوالى 3 اطباق وحزمتين شبت وحزمة كسبرة وبصلة مقطعة و5فصوص ثوم ومكعب دجاج وملح وكمون
نخوووووش على العمليات هنحط الفول ونغطيه بالماء مش كتير
ونحطه على النار العالية وعليه البصلة المقطعة والثوم ومرقة الدجاج
والخضرة المقطعة ونسبها تغلى لحد مالفول يستوى
ونسبها تبرد ونضربها فى الخلاط ضربا مبرحا ونرجعها الحلة تانى
ونخووووش على التقليةوهنحتاج تركيز لية عشان التكة جايه اهى
نجيب 3 بصلات كبار ونقطعهم مكعبات و5فصوص ثوم مفرومه وعليها كسبرة ناشفة
ونرش البصل بشوية ملح ونزلة فى الطاسة مع التقليب المستمر وقرب الاحمرار ننزل بالثوم لحد التحمير ونصفيها فى شبكة
نرجع للبصارة اللى فى الحلة هنحطها على نار هادية ونظبط الملح ورشة نعناع
ونصبها فى الاطباق نرش التقلية والف هنا وشفا
متنسوش التقيم يا بنات لو الموضوع عجبكم
وربنا يسعدكم جميعا
احبكم فى الله
مواضيع هذا القسم برعاية

وعد 5 وعد 5 1100584_5.gif فتكات نشيطة Fatakat 1100584 اسكندريه – مصر

سبحان الله و بحمده