والله الأكله ديه انا لما بعملها جوزى واولادى بيتهبلوا عليها وجربتها كتير اوى علشان انا واثقه منها قولت اقولها لفتوكاتى اخواتى حبايب قلبى بصوا بقى المقادير : فرخامخليه من الجلد مقطعه ثمن قطع علبه ونص زبادى جهينه بصلتين جوانح كيلو ارز بسمتى او ارز المصرى العادى بتاعنا توابل(ملح-فلفل اسود-حبهان حسب الرغبه-قرفه-قرنفل-كارى)معلقه صغيره من كل نوع الطريقه: هاننقع الفراخ مع التوابل بعد طحن التوابل كلها فى الخلاط مع الزبادى فى الثلاجه يستحسن طول الليل او لو مستعجله 4 ساعات كاحد ادنى ويحمر البصل المقطع جوانح فى اربع معالق كبيره زيت حتى يصفر لونه ثم نصفى البصل من الزيت ونأخذ الذيت من البصل ونضعه على الفراخ المنقوعه و ترفع على نار هادئه جدا حتى النضج وبينما تنضج الفراخ يتم عمل الارز ومع مياه الارز نضع الملح وملعقه صغير كارى حتى يصفر لونه وبعد نضج الفراخ والارز نضع نصف البصل المحمر على الفراخ ونقلبها وبعد ذلك فى نفس حلة الفراخ نضع نصف كمية الارز وبعد ذلك نضع باقى كمية البصل وبعدها نضع باقى كمية الارز وبعد ذلك نقلب الحله فى طبق كبير للتقديم فيصبح الارز تحت والفراخ على الوجه وممكن نرش على الوجه لوز محمر او زبيب محمر مع اللز حسب الرغبه على فكره انتوا ممكن تحسوا ان الوصفه كبيره وصعبه بس والله مجرد لما تعملوها مره هاتلاقوها سهله جدا هيه بس وصفتها الى بتاخد كلام كتير بس صدقونى بالامانه هاتعجبكم جدا وخصوصا فى العزومات مواضيع هذا القسم برعاية
bero96 bero96 390161_4.gif فتكات متميزة Fatakat 390161 القاهره – مصر حبيبتى
سبحان الله و بحمده