البرجر بالزيتون ولا الحوجة لحلوانى وامريكانا من ام حمزة المصرى

اولا انا احب اشكر العضوة مونا مونا عشان انا اخد الطريقة منها بس حطيت من عندى شوية اضافات تعزز الطعم اكتر وكمنا عملته بطعم الزيتون الاخضر والله ياجماعة طعمه احلى بكتير جدا من البرجر الجاهز وعمل معايا ماشاء الله حوالى 30 قطعة برجر ومش بيكش على النار خالص بيفضل حجمه زى ماهو وكمان نانا عامله تخين مش رفيع زى اللى بنجيبه من بره يعنى لو عملتوه رفيع هيطلعلكم اكتر من 30 قطعة وعجب زوجى جدا وقالى خلاص مش هشترى من بره تانى ندخل على المقادبر والطريقة
المقادير
كيلو لحمة مفرومة # 2 بصلة كبيرة قوى مفرومة # 2 فص توم كبار مفرومين # 2 كوب بقسماط انا استخدمت بتاع ريتش بيك بيكون بقسماط بجد بالش البقسماط السايب بيكون عغليه دقيق وحاحجات غريبة وفى الاخر مابيطلعش بقسماط # التوابل اللى استخدمتها هى بابريكا وملح وفلفل وبهارات برجر او كفتة او لحمة اللى عندك يعنى وحبه البركة مطحونة ناعم جدا ودى انا مش بستغنى عنها فى كل حاجة اى اكلة اة سلطة بعملها بستخدم فيها حبى البركة بنية انها شفاء من كل داء ربنا يحفظ لينا صحتنا وجميع من نحب ومش بتغير طعم او لون الاكل خالص انا بحطها فى السلطة الخضراء وزوجى مش بياخد باله خالص عشان هو مش بيحب حبة البركة قوى يعنى # زيتون اخضر مفروم ناعم
الطريقة
انا خلط كل المقادير اللىنا كتبتها فوق دى مع بعض جامد جدا لحد ماكله اندمج مع بعضه

وجبت غطا علبة عندى يكون حجمه قريب من حجم البرجر وقطعت كيس من بتوع ساندوتشات المدارس على اد الغطا وحطيتوه جواها وكورت قطعة برجر وحطيتها فى الغطا وطغط عليه عشان يستوى وياخد شكل الغطا وفى نفس الوقت يكون كل البرج حجم واحد

يارب الصورة تكون واضحة وبعدين لفيته فى نفس الكيسة اللى كنت حاطها معاه عشان تبقى شبة اللى بنجيبه من بره كل واحدة بتبقى فى كيسة لوحدها وحطيت كيسة غيرها فى الغطا وكررت نفس الخطوات

بعد كده قسمته فى اكياس على حسب العدد اللى انا عوازاه حطيت 6 قطع فى كل كيس على ادى انا زوجى واتبقى 3 فردانين عملت بيهم سلطة برجر كانت تحفة جدا

يالا اللى يعجبها الموضوع ماتنساش تدعى بالذرية الصالحة وربنا يديم علينا نعمة الصحة والستر انا وزوجى
مواضيع هذا القسم برعاية

ام حمزه المصري ام حمزه المصري 811880_2.gif سوبر فتكات Fatakat 811880 اسكندريه – مصر

سبحان الله و بحمده