السلام عليكم ورحمة الله
جيبالكم النهاردة باتون ساليه عمايل ايديا يا رب يعجبكم
والمقادير دى من كتاب
اشهى اطباق الحلوى والفطائر لعديلة عزيز
كتاب رائع
المهم
من غير رغى كتير هسيبكم مع المقادير والصور
المقادير
—————-
3 كوب دقيق +ذرة ملح +كمون
6 ملاعق سمنة
2 بيضة
2 معلقة سمسم
2 معلقة سكر
من 1/2 الى1 كوب لبن دافىء
خميرة بيرة او فورية
حبة البركة (اختيارى حسب الرغبة)
نيجى بقى للطريقة
———-
اول حاجة هنعملها هنحط الخميرة مع السكر وانا عملت بخميرة فورية لان معنديش خميرة بيرة
بعدين هنحط عليها اللبن الدافى اوعى يكون سخن كده يموت الخميرة ونقلبها ونسيبها على جنب علشان تخمر
بعد كده يا قمامير
هننخل الدقيق مع ذرة ملح وممكن تضيفى حبة كمون دلوقتى او بعدين
هنضيف السمنة على الدقيق
ونفركهم كويس حتى تختفى السمنة تماما
وبعد كده ممكن نظبط الملح و الكمون علشان يطلع مملح
هنخفق البيض ونحطه على الدقيق ونقلب
فاكرين الخميرة اهه خمرت خلاص شايفين0000
هنحط منها على العجين حبة حبة ونعجن ممكن ما نخدهمش كلهم
ونعجنهم كويس كده
وبعدين نخرجها ونلتها ونعجنها كويس
جدا لغاية ما تبقى ناعمة جدا
هنحطها فى الطبق ونغطيها ونسيبها تخمر
انتوا قاعدين بتعملوا ايه هتفضلوا قاعدين لغاية ما تخمر قوموا اغسلوا الاطباق اللى فى الحوض دى
خلاص خلاص خمرت اهه وبقت زى الفل
هناخد حتة صغيرة نكورها وبعدين نبرمها كدة وتساويها من الاطراف بالسكينة وترصيها فى الصينية
وتسيبيها تخمر تانى حبة نونو وبعدين هتدهنيها بالبيض المخفف باللبن كده
وترشى عليها من الخليط دة اللى هو كمون وسمسم وحبة البركة وزى ما انتى عايزة ممكن تسيبيه سادة
هندخله فرن متوسط الحرارة حتى ينضج ويحمر
وبعدين بألف هنا
ودى لكل فتوكة قمراية هترد وتقيم
يا رب يكون عجبكم مستنية ردودكم وتقييمكم
والاهم
دعائكم مواضيع هذا القسم برعاية
ام انس شريف ام انس شريف 17242_1.gif فتكات رائعة Fatakat 17242 دمياط – مصر